Әһли Бејт -АБНА- хәбәр аҝентлијинин вердији хәбәрә әсасән узун илләрдән бәри Азәрбајҹанда Талыш Халгынын һүгуглары тапдаг алтында галмагда давам едир. Белә ки, әлијевләр режиминин дөврүндә Талыш Халгына гаршы агрессија о һәддә чатды ки, Талыш Зонасынын адыны дәјишәрәк “Ҹәнуб Бөлҝәси”, Талыш Дағларынын адыны дәјишәрәк “Ләнкәран Дағлары” гондарма ады илә әвәз етмишләр. Статистика сајына ҝәлдикдә исә бу халгын сајыны азы 10 дәфә азалдараг рәсми ачыгламаларда ҝөстәрирлә. Санки Талыш Халгы ил-илдән бухарланмаг үзрәдир. Амма Азәрбајҹан режиминин нөвбәти антиТалыш аддымы бу милләтин севимли редактору, һаггы сөјләјән бир мөмүн зијалыны Һилал Мәммәдову сәбәбсиз јерә һәбс етмәсидир.
Һилал Мәммәдовун һүгуг вәкили Анар Гасымлыдыр. Мөвҹуд режим өлкәдә диҝәр мүсәлман гардашларла етдији рәфтары Һилал Мәммәдовла да етмишдир. Вәкил А. Гасымлы исә мүдафиә етдији шәхс (мүвәккили) Һилал Мәммәдовла ҝөрүш алмаг барәсиндә “Туран”а вердији ачыгламада дејиб: “Бүтүн сәјләримизә бахмајараг, вәкили олдуғум Һилал Мәммәдовла мәнә ҝөрүш үчүн иҹазә верилмәјиб”.
О гејд едиб ки, ијунун 21-дә ахшам саат 22.00 радәләриндә Һ.Мәммәдовун сахландығы Низами рајонундакы 37 сајлы полис бөлмәсинә ҝәлиб. Вәкил олараг ордерини ҝөстәрсә дә һүгугларыны мүдафиә етдији шәхслә ҝөрүшә имкан верилмәјиб. Вәкил Һ.Мәммәдовун сахланмасына даир сәнәдләри тәләб етсә дә бу сәнәдләр вәкилә тәгдим олунмајыб. А.Гасымлы полисин бу һәрәкәтини вәкилин вә мүдафиә етдији шәхсин һүгугларынын кобуд шәкилдә позулмасы кими дәјәрләндириб. А.Гасымлы Һ.Мәммәдовун ијунун 22-дә сәһәр Низами Рајон Полис Ыдарәсинә ҝәтирилдијини дејиб. Вәкил Һ.Мәммәдовун сахланылан заман физики зоракылыға мәруз галмасы илә бағлы експертизаја апарылдығыны билдириб.
Гејд едәк ки, әлијевләр режими Һ.Мәммәдову да Ҹинајәт Мәҹәлләсинин 234-ҹү (күлли мигдарда наркотика) маддәсилә ШӘРЛӘЈӘЈИБ.
ШӘРЛӘНМӘЈӘ әсасән ҝүја Һ.Мәммәдовун үзәриндән 5 грам, евиндә исә һәлә мүәјјн олунмајан мигдарда һероин тапылыб.
Һ.Мәммәдов әслән талышдыр, Бакыда јашајыр. Ики ил өнҹә әлијевләр режиминин Тәһлүкәсизлик Назирлијинин тәҹридханасында шәһид едилән, Талыш Халгынын милли Профессору, “Толиши сәдо” гәзетинин редактору Новрузәли Мәммәдовун һүгугларыны мүдафиә комитәсинин сәдри олуб. Н.Мәммәдовун шәһадәтиндән сонра исә “Таолиши сәдо” гәзетинин баш редактору вәзифәсиндә чалышыб.
Диггәт: Хәбәрдән истифадә етдикдә мәнбәјә истинад лазымдыр
