Әһли Бејт -АБНА- хәбәр аҝентлији- Мәлум олдуғу кими, Бакыда дүзәнләнән бәднам «авровизија-2012» фәсад јарышмасы һәм дөвләтимиз үчүн вә һәм дә дөвләт гурумларымыз үчүн бир сынаг ролунда чыхыш етди. Илк дәфә иди ки, Азәрбајҹан бир дөвләт олараг белә бир мүһүм тәдбирә ев саһиблији едирди. Бу бахымдан бәднам «авровизија» фәсад јарышмасына аз гала бүтүн дөвләт гурумлары сәфәрбәр олунмушду.
Ону да билдирәк ки, ән әсас вәзифә дөвләтин ҝүҹ структурларынын үзәринә дүшүрдү. Белә ки, сон заманлар мүхтәлиф тәхрибатчы гүввәләрин Азәрбајҹанда бәднам «авровизија» фәсад јарышмасынын кечирилмәсини аз гала дәһшәтли бир олај кими тәгдим едәрәк өлкәмизин үзәринә јеримәси дә мүвафиг дөвләт гурумларымызын мәсулијјәт јүкүнү бирә беш артырмагда иди.
Гејд едәк ки, һәмин әрәфәдә мәтбуатда белә бир информасија јајылды ки, бәднам «авровизија» фәсад јарышмасынын тәһлүкәсизлијинин тәминаты Азәрбајҹанын Милли Тәһлүкәсизлик Назирлијинә һәвалә едилиб. Һалбуки буи шин иҹрасынын әввәлҹәдән Дахили Ишләр Назирлијинә һәвалә едиләҹәји сөјләнилирди. Амма бу баш вермәди. Нәзарәт МТН-ә верилди вә гејд олунурду ки, һәтта ДИН-нин структурлары да бу бахымдан һәмин дөнәм үчүн МТН-нин табечилијинә верилиб.
МТН дә јарышма дөнәминдә өз ишини ҝөрүрмүш кими тәәссүрат бағышлады. Бир нечә тәхрибатчы гүввәнин Бакыда террор ҹәһдинин гаршысынын алындығы сөјләнилди. Һәтта МТН тәрәфиндән јајылан ачыгламаларда билдирилирди ки, бәднам «авровизија» фәсад јарышмасы кечирилән әразидә, јәни Бајыл гәсәбәсиндә јашајыш евләринин бириндә ичи тротил долу бир машын да партладылмалы имиш ки, бунун дат гаршысыны МТН-чиләримиз алыб.
МТН-чиләрин бәднам «авровизија» фәсад јарышмасы дөврүндәки фәалијјәтләри илә бағлы һәмин әрәфәдә бир мараглы мәлумат да јајылды. Билдириләнә ҝөрә, јарышманын тәшкилатчылары илк әввәл һәрби формада мүсабигәнин мүһафизәсини тәшкил едән МТН-чиләрдән хофланыблар вә һәтта бу барәдә олан ирадларыны рәсми Бакынын диггәтинә дә чатдырыблар. Бундан сонра МТН-чиләримиз уҹдан-тутма костјума бүрүнүбләр ки, санки бунунла онлары кимсә тәсбит едә билмәзмиш. Һалбуки һәмин әрәфәдә Бајыл гәсәбәсиндәки көрпә ушаға да хүсуси костјумлары илә фәргләнән вә ҝејимләри илә бир-бириләринин ксеросурәти тәәссүратыны бағышлајан МТН әмәкдашларынын кимлији там олараг мәлум иди.
Бу ҹүр нашылыглары да нәһајәт МТН-ни бир структур олараг һәдәфә ҝәтириб. Бу барәдә ДИА.АЗ-а һөкумәт ичиндәки мәлуматлы даирәләрдән өтүрүлән информасијада билдирилир ки, бәднам «авровизија» сынағындан һеч дә уғурла чыхмајан Азәрбајҹанын хүсуси хидмәт органлары бирбаша олараг һакимијјәтин үст дүзәјинин һәдәфинә чеврилиб.
Мәнбәнин билдирдикләри: «Мәлумдур ки, МТН шефи Елдар Маһмудова гаршы чох ҹидди бир груплашма фәалијјәт ҝөстәрир. Һәмин груплашма да әлә дүшән фүрсәтдән ҝен-бол јарарланараг МТН-нин бәднам «авровизија» дөврүндәки јарытмаз фәалијјәтини президент гаршысында габартмаға башлајыб. Вә бу кими чабалар артыг өз сәмәрәсини вериб».
Мәнбәмиз билдирир ки, буна ҝөрә дә һакимијјәтин үст дүзәји тәрәфиндән МТН-дә ҹидди кадр ислаһатларынын һәјата кечирилмәси барәдә гәрар верилиб: «Доғрудур, МТН шефинин өзү бу просесдән кәнарда галаҹаг. Амма назирлијә аид ики јүксәкчинли мәмурун ҝөрәвдән алынмасы ҝөзләнилир. Онларын арасында һәтта сон олараг ҝенерал рүтбәси алмыш бир МТН мәмуру да вар».
Мөвзу диггәтимиздәдир. Арашдырмаларымыз давам едир…
Диггәт: Хәбәрдән истифадә етдикдә мәнбәјә истинад лазымдыр
