Әһли Бејт -АБНА- хәбәр аҝентлијинин вердији хәбәрә әсасән дүнән Һаҹы Меһдинин гондарма Мәһкәмәсинә изләјиҹи кими ҝәлән Азәрбајҹанын нүфузлу руһаниләриндән, Гуран һафизи, Һаҹы Зүлфүгар Микајылзадә мәһкәмә бинасынын гаршысында Һаҹы Меһди Мәммәдовун һәбси илә бағлы Хебернаме.аз Интернет гәзетинин мүхбиринә Һаҹы Меһди Мәммәдов вә диҝәр исламчыларын һәбсијлә бағлы мүнасибәт билдирмишдир.
О. демишдир: “Биз Һаҹы Меһдини әһвалынын јахшы олдуғуну ҝөрдүк. Иншаллаһ тезликлә азадлыға чыхар. Амма буну демәк истәјирәм ки, бунлар Һаҹы кими тутулубса гәһрәман кими чыхаҹаглар. Мүбариз дин гардашларымызын һәбсдә олмасына бахмајараг онларын јолу вә мүгавимәти давам етдирилир. Онларын јолу вә мүбаризәси азадлыгда оланда мәһдуд бир сәвијјәдә олурдуса, бу ҝүн нәјинки Азәрбајҹанда бүтүн дүнајда даһа да артыб вә баш верән просесләр мәраҹеји тәглид, мүҹтеһидләримиз тәрәфиндән дә диггәтлә изләнилир. Мүбаризәмиз әввәлкиндән дә даһа ҝүҹлү шәкилдә давам едир. Бу 1 јада 2 нәфәрин јох бүтүн Азәрбајҹан шиәләринин фикридир. Аллаһын вәдәсинә әсасән бу јол давам едир вә давам едәҹәк. Аллаһ Гурани Кәримдә бујурур ки, “биз јазмышыг гәләбәни, гәләбә гаршыдадыр”. Вә Аллаһ Әнфал сурәси 36-ҹы ајәдә бујурур ки, “Шүбһәсиз ки, кафир оланлар (инсанлары) Аллаһ јолундан сапдырмаг үчүн өз малларыны сәрф едирләр”. Онлар ону сәрф едәҹәк, сонра бунун пешманчылығыны чәкәҹәк, даһа сонра исә мәғлуб едиләҹәкләр. Бир даһа билдирмәк истәјирик ки, мүгавимәтимиз давам едир вә давам едәҹәк.
Диггәт: Хәбәрдән истифадә етдикдә мәнбәјә истинад лазымдыр
