Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Һава Мүдафиәси Сәнајеси Тәшкилатынын рәһбәри Манучөһр Мәнтиги вердији ачыгламада билдириб: “Иран Ислам Республикасы дәнизчилик секторунда истифадә олунан “Иран-140” вә “Антонов” тәјјарәләрини истисмара бурахмаға һазырдыр”.
Онун сөзләринә ҝөрә, сөзүҝедән тәјјарәләр јалныз сифаришлә истеһсал олунур: “Чүнки хәрҹи јүксәкдир. Техники бахымдан истеһсалда һеч бир проблем јохдур. Тәјјарәләр сифаришдән ән ҝеҹ 6 ај сонра тәһвил верилир. Дүнјада дәнизчилик секторунда истифадә едилән јүнҝүл тәјјарә истеһсал едән өлкәләрин сајы чох аздыр. Бу ҹүр тәјјарәләри јалныз үч өлкә истеһсал едир вә Иран Ислам Республикасы һәмин үч өлкәдән биридир”.
О, һәмчинин илин сонуна гәдәр Иран Ислам Республикасынын истеһсалы олан пилотсуз тәјјарәләрин 24 саат учуша һазыр вәзијјәтә ҝәтириләҹәјини билдириб.
Диггәт: Хәбәрдән истифадә етдикдә мәнбәјә истинад лазымдыр
