Әһли Бејт -АБНА- хәбәр аҝентлијинин вердији хәбәрә әсасән Вашингтонда мүһаҹирәтдә јашајан азәрбајҹанлы профессор Тофиг Шаһтахтински өлкәдахилиндәки зијалылара сәсләнди. Профессор јаздығы мәктубунда дејир:
Бу ҝүн дүнјанын ән габагҹыл демокатик өлкәләри, бејнәлхалг гејри-һөкумәт тәшкилатлар өлкәмизин рүшвәт вә коррупсија чиркабына гәрг олмасы, халгын дүчар олдуғу мисилсиз һагсызлыглар, һүгугларынын тапдаланмасы һагда бәјанатлар верир, ҹанлы јајымла нүмајиш етдирирләр. Өлкә дахилиндә әли дәјәнәкли полис вә мүлки ҝејимли президент гочуларынын зоракарлығына бахмајараг инсанлар нүмајишләрә чыхыр, митинг вә пикетләр тәшкил едирләр. Иҹтимаи Палата, Зијалылар Форуму, Демократија Уғрунда Мүгавимәт Һәрәкаты, ҝәнҹләр тәшкилатлары әтрафында топлашан инсанлар өз сөзләрини дејир, өлкәмиздәки һазырки дурума ҝөрә һәјаҹан тәбили чалырлар. Чох тәәссүф ки, сүлалә үзвләри, дөвләт мәмурлары, Президент Апаратынын мәсул ишчиләри, ЈАП лидерләри вә һөкумәт гәзетләринин редакторлары ҝөзләрини бағлајыб, гулагларына памбыг тыхајараг өзләрини бүтүн бунлардан хәбәрсиз кими апарырлар...
Бунунла белә, инанмаг олмур ки, бу адамлар өлкәнин сәрвәтләрини таламаг мәгсәдилә гурашдырдыглары, һеч бир идеолоҝија вә консепсијаја малик олмајан “дөвләтчиликләринин” тезликлә дағылаҹағыны билмирләр. Бәли, һәмин ҝүн артыг ҝәлиб. Һамымызын - сүлалә һакимијјәтинин вә бу һакимијјәтә инаныб алданан халгын гапысыны дөјмәкдәдир...
ТҮРК ОҒЛУ ТҮРК ӨЗ ХАЛГЫНА ТАРИХӘН БУ ДӘРӘҸӘДӘ АМАНСЫЗ, ГӘДДАР ОЛМАЈЫБ...
“Әрәб баһары” баш верән өлкәләрин һеч бирисиндә инсанларын сосиал- игтисади вәзијјәти бизим өлкәдәки кими биабырчы вәзијјәтдә дејилди. Һәјат фәалијјәтимизин әсас мәғзини тәшкил едән, артыг ганун шәклини алмыш коррупсија, рүшвәт, оғурлуг о өлкәләрин һеч бириндә биздәки сәвијјәјә галхмамышды. Инсанларын евләрини башларына учуруб мүвафиг мүавинәтләрини вермәмәк, конститутсија вә ганунлары позмадан күчә јүрүшләри едәнләри тутуб дамламаг, дөвләт башчысы вә онун өвладларынын халгын јералты- јерүстү сәрвәтләрини белә АШКАР ШӘКИЛДӘ, ҺӘЈАСЫЗҸАСЫНА мәнимсәмәси һаллары јох иди.
Халг өз гисмәти олан нефт сәрвәтләринә кәнардан баха-баха галыб. Һәтта нефт вә газа малик кечмиш совет республикаларында да халг өз һалал сәрвәтләриндән коммунал хәрҹләрин јүнҝүлләшдирилмәси вә маашларын артырылмасы шәклиндә бәһрәләнирләр. Бизим өлкәдә исә... Кечмиш совет республикалары ичәрисиндә бүдҹәдән малијјәләшдирилән ән ашағы мәбләғдә мааш, тәгаүд вә диҝәр сосиал өдәнишләр, ејни заманда да ән јүксәк коммунал истисмар хәрҹләри бизим өлкәдәдир. Кечмиш совет республикаларынын әксәријјәтиндә советләр дөврүндән әманәт кассаларында галан пуллар халгы разы салан сәвијјәдә өдәнилдији һалда, башындан милјардлар јаған СҮЛАЛӘ МОНАРХИЈАСЫ бу пуллары о дөврүн пулунун алыҹылыг габилијјәтилә мүгајисәдә 10 дәфә ашағы мәбләғдә гајтараҹағыны елан едиб. Бу өдәниши узун илләрдән бәри ҝөзләјән ән касыб аиләләр белә, етираз әламәти олараг елан едирләр ки, башларына дәјсин, ону да алмајаҹағыг, јагин АИЛӘНИН “ӘЛИ АШАҒЫДЫР”. Белә игтисади санксијаларла јанашы, сон ҝүнләр пајтахтын күчә вә мејданларында мүлки ҝејимли, голузорлу адамлар дәстә- дәстә ҝәзир, истәдикләри адамы дөјүб, голларыны бурараг мүлки машынлара басыб нәмәлум истигамәтләрә апарырлар. Бүтүн бунлар тәбии олараг инсаны дүшүндүрүр ки, нә сәбәбдән Әлијевләр сүлаләси халгымыза бу дәрәҹәдә нифрәт едир? АХЫ ТҮРК ОҒЛУ ТҮРК ӨЗ ХАЛГЫНА ТАРИХӘН БУ ДӘРӘҸӘДӘ АМАНСЫЗ, ГӘДДАР ОЛМАЈЫБ... Зәннимҹә, дүнјада аналогу олмајан бу феномени тарихчиләримиз, етнографларымыз, антропологларымыз арашдырыб она ајдынлыг ҝәтирмәлидирләр...
ӨЛКӘДӘ ГАНЛЫ ВӘТӘНДАШ ГАРШЫДУРМАСЫ ЈАРАНАРСА, МӘСУЛИЈЈӘТИ ИГТИДАРЫН ҮЗӘРИНӘ ДҮШӘҸӘК...
Тарих дәфәләрлә сүбут едиб ки, дајағы олмајан, јаланчы вәдләрлә вә ја зоракылыгла гурулан һакимијјәтләрин узун сүрмәдән сүгута үғрамасы лабүддүр, тарихи зәрурәтдир. Јахын тарихимиз ҝөстәрди ки, бу ҝүн бу, ики јолла һәјата кечир: әрәб өлкәләриндәки кими минләрлә инсан тәләфаты илә нәтиҹәләнән ганлы үсјан вә ингилаблар јолу, ја да “мәхмәри ингилаб” адланан, ган төкүлмәдән һакимијјәтин дәјишдирилмәси јолу илә. ӘРӘБ БАҺАРЫНА ОХШАР ҮСЈАНЛАР ВӘ ЈА ИНГИЛАБЫН БИЗИМ ӨЛКӘДӘ ДӘ АЛОВЛАНМАСЫНЫН гаршысыны алмаг мәгсәдилә мүхалифәтин дәфәләрлә һаким сүлалә монархијасына идарәчиликләриндә әмәли ислаһатлар апармаг тәклифләри вермәјинә бахмајараг, бунлара гәтијјән мәһәл гојулмајыб. Одур ки, өлкәмиздә сосиал сијаси вә игтисади вәзијјәт ҝет-ҝедә писләшмәкдәдир...
Бу ҝүн там гәтијјәтлә демәк олар ки, әҝәр, ӨЛКӘДӘ БЕЛӘ ГАНЛЫ ВӘТӘНДАШ ГАРШЫДУРМАСЫ ЈАРАНАРСА, ОНУН МӘСУЛИЈЈӘТИ БҮТӨВЛҮКДӘ ИГТИДАРЫН ҮЗӘРИНӘ ДҮШҮР.
Ган төкмәдән дәјишиклијә мисал олараг ленинизмин јаланчы вәдләри вә зор ҝүҹүнә гурулмуш дүнјанын ән нәһәнҝ империјаларындан бири олан ССРИ-нин чөкмәси вә гоншумуз Ҝүрҹүстандакы “мәхмәри” ингилабы ҝөстәрмәк олар. Итирдијимиз вахта, әлдән вердијимиз шанслара бахмајараг, бу ҝүн халгымыз өз јералты-јерүстү сәрвәтләринин саһиби олараг, рүшвәт алыб-вермәдән, коррупсија вә оғурлугдан узаг, өз һалал әмәјилә јашадығы, азад вә демократик ҹәмијјәтли вәтәнә наил ола биләр. БУНУ ИСӘ, ҺӘР ШЕЈДӘН ӘВВӘЛ, БУ ҜҮНКҮ ҸӘМИЈЈӘТИМИЗИН ӨЗҮ, ОНУН ЗИЈАЛЫ ТӘБӘГӘСИ, ЕЛИТАСЫ ИСТӘМӘЛИ ВӘ ТӘЛӘБ ЕТМӘЛИДИР. Јенә дә гоншу Ҝүрҹүстана истинадән дејирәм ки, орада ҝүрҹү халгы, зијалылары, елитасы буну едә билди. ИНДИ НӨВБӘ БИЗИМДИР. Биринҹи нөвбәдә, ЗИЈАЛЫЛАРЫМЫЗ халгы ҺЕЈДӘРИЗМИН ҺИПНОЗУНДАН ајылдыб, онун јеритдији – “ХАЛГЫ МАНГУРТЛАШДЫРМАГ ВӘ ОҒУРЛУҒА, ЈАЛТАГЛЫҒА, САТГЫНЛЫҒА ТӘҺРИК ЕТМӘКЛӘ ӘБӘДИ ИСИСМАР ЕТМӘК” сијасәтиндән 180 дәрәҹә дөндәриб ДҮНЈӘВИ ДӘЈӘРЛӘРӘ јөнәлтмәк лазымдыр. ӘҜӘР БУ ДӘФӘ ДӘ ШАНСЫМЫЗЫ ӘЛДӘН ВЕРСӘК, ВӘТӘНИМИЗИ ӘБӘДИ ИТИРӘ БИЛӘРИК...
Диггәт: Хәбәрдән истифадә етдикдә мәнбәјә истинад лазымдыр
