Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы парламентинин депутаты Казым Ҹәлали билдириб: “Иран Ислам Республикасы нүвә енержисиндән истифадә етмәк һаггындан әсла ваз кечмәјәҹәк”.
Онун сөзләринә ҝөрә, Иран Ислам Республикасынын бу мәсәләдә ҝери аддым атмасы гејримүмкүндүр.
К. Ҹәлали дејиб ки, Иран Ислам Республикасы илә “алтылыг” өлкәләри арасында ијунун 18-19-да Москвада кечириләҹәк ҝөрүшләрдә Гәрбин етимад газанмасы зәруридир: “Чүнки Иран Ислам Республикасынын мөвгеји онсуз да бәллидир. Бағдад мүзакирәләриндә тәклифләримизи ортаја гојдуг. Биз нүвә енержисиндән истифадә етмәк һаггындан ҝери аддым атмаг нијјәтиндә дејилик. Тәһдид вә санксијаларын исә һеч бир нәтиҹәси олмајаҹаг. ИИР нүвә фәалијјәтләрини давам етдирмәкдә гәрарлыдыр”.
Диггәт: Хәбәрдән истифадә етдикдә мәнбәјә истинад лазымдыр
