Әһли Бејт -АБНА- хәбәр аҝентлији- Исламазери.аз Интернет гәзетинин Түркијә КИВ-инә истинадән вердији хәбәрә ҝөрә, Иранла "алтылыг" өлкәләри арасында бағлы гапылар архасында кечирилән нүвә мүзакирәләрәри заманы јашанмыш гәрибә бир һадисә мәтбуата сызыб.
Белә ки, дејиләнләрә ҝөрә, Иран вә Бөјүк Британија нүмајәндәләри гаршылыглы чох сәрт ифадәләрә јол верибләр.
Данышыгларын сәрт характер алдығы бир мәгамда ән јахшы чыхыш јолу кими мүзакирә масасыны тәрк етмәдән кичик фасиләјә гәрар верилиб .
Бу заман Франса нүмајәндәси иранлы баш мүзакирәчи Сәид Ҹәлилијә вәзијјәтин нә гәдәр ҹидди олмасыны хатырлатмаг үчүн дејиб ки, "Һеч олмаса шифаһи олараг һазырки мөвгејинизә јенидән бахаҹағынызы вә дәјишә биләҹәјинизи гејд етсәниз, мүзакирәләрдә ирәлиләјиш үчүн үмид ишығы ҝөрүнә биләр. Әкс тәгдирдә артыг һәрби вариантлара баш вурмағын гачылмаз ола биләҹәјини нәзәринизә чатдырмалыјам."
Иран нүмајәндәси Сәид Ҹәлили исә буна ҹаваб олараг Иран-Ираг мүһарибәсиндә итирдији ајағынын јеринә гојулмуш протез ајағы масанын үзәринә гојуб вә "Бу ајағымы әввәлки мүгәддәс мүдафиәдә вердим, диҝәр ајағымы да икинҹи мүгәддәс мүдафиәдә фәда едәрәм" дејәрәк данышыглар масасыны тәрк едиб.
Хәбәрдә билдирилиб ки, нә Иран, нә дә диҝәр өлкәләрин нүмајәндәләри бу һадисәни мәтбуата чыхармајыблар.
Олајын медиаја сызмасынын сәбәбкарынын исә, рәсми проседур үчүн орада олан дипломатлардан биринин көмәкчиси ола биләҹәји еһтимал едилир.
Диггәт: Хәбәрдән истифадә етдикдә мәнбәјә истинад лазымдыр
