Әһли Бејт -АБНА- хәбәр аҝентлијинин вердији хәбәрә әсасән АзадХебер.аз сајтынын баш редактору Ниҹат Әлијев һәбс едилдикдән сонра ишҝәнҹәләрә мәрзу галыб. Бу барәдә ФактХебер.ҹом-а Ниҹат Әлијевин вәкили Анар Гасымлы мәлумат вериб.
Вәкил гејд едиб ки, Ниҹат Әлијев Јасамал Рајон Полис Идарәсинә апарылдыгдан сонра идарәдә полис әмәкдашлары тәрәфиндән "професионалҹасына" дөјүлүб. “Ниҹат Әлијевә елә бир формада ишҝәнҹә верибләр ки, бәдәниндә һәр һансы бир из галмајыб. Ону һәдәләјибләр ки, нәјә ҝөрә баш редактор олдуғун сајтда “ҝеј”ләрлә бағлы јазылар дәрҹ етмисән. Һәтта она билдирибләр ки, јанына ики дәнә ҝеј ҝәтирәҹәјик, сәни дә өзләри ким етсинләр. ”
Вәкил Анар Гасымлы сонра ону да билдирди ки, Ниҹат Әлијеви ҹинајәт маддәләри илә бағлы сечим гаршысында гојублар: “Ниҹата билдирибләр ки, ја наркотик иттиһамыны бојнуна алаҹагсан, ја да ки, ондан да ағыр маддәләр бојнуна гојуб 5 илдән чох сәни һәбсә атаҹағыг. Ејни һалда әҝәр бојнуна алмасан белә, ҝедиб евиндән наркотик чыхардаҹағыг”
Гејд едәк ки, Азадхебер.аз” сајтынын баш редактору Ниҹат Әлијев мајын 20-дә “Мемар Әҹәми” метростансијасынын јахынлығындакы “Киллер” мағазасында бир груп мүлки ҝејимли полис әмәкдашлары тәрәфиндән сахланылыб.
Диггәт: Хәбәрдән истифадә етдикдә мәнбәјә истинад лазымдыр
