Әһли Бејт -АБНА- хәбәр аҝентлијинин вердији хәбәрә әсасән Азәрбајҹанын әксәр рајонларында иҹра башчылары бүдҹәдән ајрылан пуллары мәнимсәмәклә мәшғулдурлар. Бунун үчүн парк тикмәк, јолларын кәнарларыны дашла һөрмәк вә диҝәр ишләрдән истифадә олунур. Аналожи вәзијјәт Ағсу рајонуда да баш верир. Амма Ағсуда иҹра башчысы буну чох усталыгла һәјата кечирир.
Ағсунун иҹра башчысы Әнвәр Сејидәлијев рајондакы кечмиш РТС-ин һәјәтиндә өзүнә даш карханасы јарадыб. Билдирилир ки, һәмин кархана илбоју иҹра башчысынын әсас ҝәлир мәнбәләриндән биридир. Белә ки, вахтыјла РТС-ин мүдири олмуг Сејидәлијев елә һәмин јери өзәлләшдирдикдән сонра, јаратдығы даш сехи илә дә газанаҹ әлдә етмәјә башлајыб.
Һал һазырда рајонда јолларын гырагларына сәки чәкмәк үчүн дашлардан истифадә едән фәһләләрә бу малы мәһз Әнвәр Сејидәлијевин сехиндән ҝәтирирләр. Белә ки, һәмин «бардјор»лары дөвләтә усталыгла сатан иҹра башчысы бундан бөјүк мигдарда пул газаныб. Даһа доғрусу, Ағсунун иҹра башчысы бүдҹәнин пулуну ҝөтүрүб, раһатлыгла ҹибинә гојур.
Бундан башга, Әнвәр Сејидәлијевин рајонда бир сыра проблемләр јаратдығына даир дә мәлуматлар вар. Һал һазырда иҹра башчысынын Ағсунун Тарих вә Дијаршүнаслыг Музејинин рәһбәри илә мүнасибәтләринин корланмасы вә бу јахынларда инрафкт кечирән тәһсил шөбәсинин мүдири илә араларында јаранмыш проблемләри арашдырмагла мәшғулуг. Јахын ҝүнләрдә бу барәдә ҝениш мәлумат верәҹәјик.
Диггәт: Хәбәрдән истифадә етдикдә мәнбәјә истинад лазымдыр
