Әһли Бејт -АБНА- хәбәр аҝентлијинин вердији хәбәрә әсасән 20 ҝүн өнҹә "Әлламә Әли Курани"нин Мисирә сәфәр етмәси илә јанашы Мисирдә онун тәрәфиндән ачылан Шиә Мәдәнијјәт Мәркәзиндә елми јығынҹаглар кечирдилирди. Лакин Мисирдә Шиәләрин јенидән габагкы ишыглы дөвранына (Фатимиләр Һакимијјәтинә) гајыдмасындан һүркүјән сионистләр вә онларын гаты радикал вәһһаби, сәләфи, әһли-сүннә вәл ҹамаә вә бәзи әл-Әзһәр университетинин мүәллим муздурлары бу илаһи мәркәзин гаршысыны алмаға сәјләр ҝөстәрәрәк сонда Шиә Мәдәнијјәт Мәркәзини бағлатмаға наил олмушлар.
Белә ки, Мисир полиси ишә гатылараг Һүсејниједә олан китаблары, журналлары вә Әһли Бејтин (әлејһимус сәалм) һәјатыны изаһ едән нәшрләри дә мүсадирә етмишдир.
Шиә Мәдәнијјәт Мәркәзинин идарә һејәти олајлара етиразлар етдикдә исә, полис гәрарын гәти олдуғуну билдирәрәк етиразлара етина етмәмиш вә бирдаһа бу Һүсејнијјәнин ачылмамасыны билдимишдир.
Мисирдә азлыг тәшкил едән Шиәләрин ачдыглары елми вә руһани бир мәдәнијјәт мәркәзинә гаршы буҹүр дөзүмсүзлүјү бәзи Мисирли алимләри гынамыш вә Мисирин Шиә фәалларындан олан Муһәммәд Һамид тез бир заманда әл-Әзһәр университетинин алимләри, Мисир Шиәләринин нүмајәндәләри, Мисир Мүфтиси Әли Ҹүмә, әл-Әзһәр университетин Шејхи Әһмәд әт-Тајјиб вә Мисирдә азлыг тәшкил едән саир динләрин нүмајәндәләринин иштиракы илә Гаһирәдә медиа конфрансынын кечирилмә тәләбини ирәли сүрәрмүш вә конфрансда Шејх Шәлтутун Шиәләр һаггында вердији фәтваја һөрмәт бәсләмәсин тәләб етмишдир.
Диггәт: Хәбәрдән истифадә етдикдә мәнбәјә истинад лазымдыр
