Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Еуровисион мәстлијиндә “гардаш” ҝүрҹүләрдән копаз јејиб. “Монастрын кимә мәхсус олмасы Азәрбајҹан вә Ҝүрҹүстан президентләри арасында һеч вахт данышыглар предмети олмајыб”
“Давид Гареҹи монастрынын јерләшдији әразинин Ҝүрҹүстана мәхсуслуғуну индјә гәдәр һеч ким шүбһә алтына салмајыб”. Модерн.аз билдирир ки, бу сөзләри Ҝүрҹүстанын кечмиш президенти Едуард Шеварднадзе ҝүрҹү КИВ-ләринә мүсаһибәсиндә билдириб.
О дејиб ки, Азәрбајҹан вә Ҝүрҹүстан һөкүмәти монастр комплекси илә бағлы мәсәләни һәлл едә биләҹәкләр.
“Иҹтимаијјәт үчүн бир мүһүм деталы хатырлатмаг истәрдим: 70-ҹи иләрдә мән Ҝүрҹүстана рәһбәрлик едән вахтларда Гареҹоба адлы халг бајрамы тәшкил едирдим. Удаблоно кәндинә ҝедән јол тәмир едилди. Бу тәрк едилмиш јерләрдә ҝүрҹү мәктәбләри салынды. Үч Гафгаз республикасынын рәһбәрләри - мән, Һејдәр Әлијев вә Карен Дәмирчијан- арасында елә мүнасибәтләр јаранмышды ки, сәрһәдләрдә һансыса шүбһәли ситуасијанын јаранмасыны тәсәввүр етмәк чәтин иди. О заман да, сонра да Давид Гареҹи монастырынын кимә мәхсус олмасы Азәрбајҹан вә Ҝүрҹүстан президентләри арасында һеч вахт данышыглар предмети олмајыб. Бу монастрын Ҝүрҹүстана мәхсус олмасына һеч ким шүбһә етмирди. Кечид-сәрһәд хәттинин гојулмасына ҝәлинҹә, бу чәтин просесдир вә чохлу вахт тәләб едир. Мәним президентлијим заманында һөкүмәтләрарасы комиссија бөјүк иш апарырды. 2003-ҹү илдән сонра нә олдуғу мәнә мәлум дејил”-дејә Шеварднадзе дејиб.
О билдириб ки, дөвләт башчысы олдуғу заман Гареҹи монастрынын сәрһәд кими мүәјјән едилмәси барәдә һеч бир сәнәд имзаланмајыб. Екс-президент гејд едиб ки, “Азәрбајҹан вә Ҝүрҹүстанын монастрла бағлы мәсәләни һәлл едәҹәјинә үмид едир”.
Гејд едәк ки, артыг бир нечә илдир Ҝүрҹүстан Ағстафа рајону әразисиндә дағларда јерләшән әразинин онлара мәхсус олдуғуну иддиа едир. Ҝүрҹүләр һесаб едир ки, бурада һәлә гәдимләрдән онларын Давид Гареҹи мәбәди фәалијјәт ҝөстәриб. Азәрбајҹан бу иддиалары гәбул етимир. Бакы һесаб едир ки, бу комплекс даһа чох “Кешишдағ” кими таныныр. Бундан әлавә, рәсми Бакы бәјан едиб ки, бу стратежи јүксәкликдир вә һеч бир һалда данышыглар мөвзусу ола билмәз.
Х. СӘФӘРОҒЛУ
Диггәт: Хәбәрдән истифадә етдикдә мәнбәјә истинад лазымдыр
