Әһли Бејт -АБНА- хәбәр аҝентлијинин вердији хәбәрә әсасән ТИА.АЗ-а АИДП-нин сәдри Таһир Аббаслы вердији ачыгламасында дејиб: “Еуровисион 2012-нин Азәрбајҹанда кечирилмәси һеч бир призмадан өлкәмизин хејринә дејил”.
Онун фикринҹә “мүсабигә өлкәмизин танынмасы үчүн мүһүм мүстәвидир” дејәнләр јанылырлар: “Дүздүр һәмин әрәфәдә өлкәнин ады һалланыр, мүсабигә заманы туристләр ҝәлир. Амма мән һесаб едирәм ки, бу мүсабигә илә марагланан кәсим о гәдәр дә интеллектуал кәсим дејил вә онлары Азәрбајҹанын дурурму, тутдуғу мөвге, проблемләри, Гарабағ мәсәләси вә с. гәтијјән илҝиләндирмир. Онлары јалныз ҝөстәрилән хидмәт, ејш-ишрәт мәҹлисләри марагландырыр. Бу мәнада мүсабигәнин өлкәмизин танынмасы бахымындан һеч бир ролу јохдур. Әҝәр кимсә мәнә “бу мүсабигәдә галиб ҝәлдикдән сонра Сербијаны даһа јахшы таныдылар, дүнја иҹтимаијјәти Сербијанын проблемләринә диггәт јөнәлтди” дејә биләрсә мүсабигәнин Азәрбајҹана да хејир ҝәтирәҹәјинә инанарам”.Т.Аббаслынын сөзләринә ҝөрә, мәсәләнин диҝәр тәрәфи сосиал дурумун ағыр олдуғу бир әрәфәдә милјонларла манат вәсаитин хәрҹләнмәсидир: “Һакимијјәт өзүнү јахшы салмаг үчүн бүдҹә пулларыны саға-сола хәрҹләјир. Артыг 7-8 ајдыр ки, өлкәдә “семент верин, бетон төкүн”, “һәр шеј Еуровисион үчүн, һәр шеј һакимијјәтин марағы наминә” шүарлары һаким кәсилиб. Мәндә олан мәлумата ҝөрә, һәтта бәзи әразиләрдә мүвәггәти косметик ишләр ҝөрүрләр. Мүсабигәдән сонра һәмин јерләр дағыдылыб јенидән тикиләҹәк. Бу исә күлли-мигдарда хәрҹ демәкдир. Бир сөзлә Еуровисин ады илә бүдҹә таланыр”.“Еуровисион үчүн чәкилән хәрҹлә өлкәнин вә әһалинин бир нечә фундаментал проблемини һәлл етмәк оларды” дејән АИДП сәдри һесаб едир ки, бу тәләм-тәләсиклик шәраитиндә күлли мигдарда јејинти һалларына да јол верилир. Диггәт: Хәбәрдән истифадә етдикдә мәнбәјә истинад лазымдыр
