Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы ХИН-ин рәсми нүмајәндәси Рамин Меһманпәрәст Теһранда мәтбуат конфрансында дејиб: “Инҝилтәрәнин әввәлҹә инсан һаглары илә бағлы проблемләрини һәлл етмәси лазымдыр, даһа сонра исә Иран Ислам Республикасында белә һаллардан даныша биләр”.
Меһманпәрәст билдириб: "Инҝилтәрә башга өлкәләрин ишләринә гарышмамалыдыр, чүнки онун өзүндә инсан һагларынын позулмасы илә бағлы мәсәләләрлә мәшғул олмаг лазымдыр. "Уолл-Стрити зәбт ет" һәрәкатындан олан нүмајишчиләрә гаршы зоракылыг ҝөстәрир ки, орада инсан һаглары илә бағлы вәзијјәт јахшы дејил вә биз онлара бу мәсәләләрлә мәшғул олмағы мәсләһәт ҝөрүрүк".
Ислам Республикасы илә БАЕА арасында гаршыдакы данышыглара тохунан Меһманпәрәст дејиб ки, Теһран бүтүн анлашылмазлыгларын данышыгларын бу мәрһәләсиндә һәлл олунаҹағыны ҝөзләјир.
"Бизим фәалијјәтимиз шәффафдыр. Биз ҝөрүшү сәбирсизликлә ҝөзләјир вә Иранла БАЕА арасында әмәкдашлығын мөһкәмләндирилмәсинә јардым едәҹәк истәнилән аддымы алгышлајырыг", - Меһманпәрәст дејиб.
"F-22 Rаptоr" гырыҹыларынын реҝионда јерләшдирилмәси мәсәләсинә ҝәлдикдә, Меһманпәеәст дејиб ки, хариҹи гүввәләр реҝиондакы вәзијјәти ҝәрҝинләшдирмәјә чалышырлар.
"Реҝионун бүтүн өлкәләри проблемләри хариҹи гүввәләрин мүдахиләси олмадан һәлл етмәлидирләр. Реҝион өлкәләри Фарс көрфәзиндәки тәһлүкәсизлији тәмин етмәк үчүн бир-бири илә ишләмәлидирләр", - Меһманпәрәст дејиб.
Диггәт: Хәбәрдән истифадә етдикдә мәнбәјә истинад лазымдыр
