Әһли Бејт -АБНА- хәбәр аҝентлијинин вердији хәбәрә әсасән Апрелин 24-дә журналистләрә ачыглама верән Иран Ислам Республикасынын Хариҹи Ишләр Назирлијинин сөзчүсү Рамин Меһманпәрәст Азәрбајҹанла Иран Ислам Республикасынын мүнасибәтләриндән данышыб.
Меһманпәрәст журналистләрдән биринин Азәрбајҹан Республикасы илә Ишғалчы Исраи Режимин мүнасибәтләри мөвзусунда суалына белә ҹаваб вериб: “Иранла Азәрбајҹан Республикасы арасындакы мүнасибәтләр стратежи характер дашыјыр. Бу ики гоншу вә мүсәлман өлкә тарихи, мәдәни вә дини бахымдан чохлу мүштәрәк ҹәһәтә маликдир. Гоншу өлкәмиз билмәлидир ки, сионист режимин бөлҝәдәки һәдәфләриндән бири бурадакы тәһлүкәсизлији позмагдыр.
Азәрбајҹан Республикасы рәсмиләри Гәрб медиасында јајылан бәзи мәлуматлары рәдд едәрәк Иранла мүнасибәтләрин ҝүҹләндирилмәсинә тәкид едибләр. Бунунла белә, һесаб едирик ки, гоншу өлкәләрлә сионист режими арасындакы әлагәләрин инкишафы сонда бөлҝәнин диҝәр өлкәләринә зијан вураҹаг”.
Диггәт: Хәбәрдән истифадә етдикдә мәнбәјә истинад лазымдыр
