Әһли Бејт -АБНА- хәбәр аҝентлијинин вердији хәбәрә әсасән 19 апрел Белчикада шәһид едилмиш Һөҹҹәтул Ислам вәл Муслимин Шејх Әбдуллаһ Доһдоһинин 40 ахшамы иди. Мәрһумун хатирәсини јашатмаг наминә Әһли Бејт Дүнја Ассамблејасы вә әл-Мустафа бејнәлхалг Академијасынын тәшкилатчылығы илә дүнән Мүгәддәс Гум шәһәриндә јерләшән Әзәм Мәсҹидиндә Гуран мәҹлиси бәрпа едилди.
Мәҹлис илк олараг Гурани Кәримин нурани ајәләри илә ишә башлады. Сонра мәрһумун руһунун шаддлығы үчүн мәҹлис иштиракчыларына Гураны тилавәт етмәкләри үшүн ҹүзвләр пајланды. Даһа сонра мәҹлиси өз нурани чыхышлары илә мүнәввәр едән әл-Мустафа бејнәлхалг Академијасынын бејнәлхалг ишләр үзрә мүавини Һөҹҹәтул Ислам вәл Мүслимин Мәҹид Һәким Илаһи минбәрә галхараг хүтбә охуду.
Һәким Илаһи хүтбәсиндә Доһдоһинин фәалијјәтинә тохунараг деди: “...Шәһид Доһдоһи Белчикаја гајытдыгдан сонра орада Ислам Мәркәзин тәсиси илә јанашы Имам Рыза (әлејһис сәлам) адына Мәсҹиди инша етмәклә Брукселдә хејир мәнбәјинә чеврилди.
Шәһид Додоһинин фәалијјәтиндән өнҹә Белчикада 500-дән аз мүсәлман Әһли Бејт (әлејһимус сәлам) давамчысы иди лакин онун вә көмәкчиләринин әбәссиз фәалијјәтләриндән сонра исә бу рәгәм 100 дәфә артмышдыр. Һал һазырда 50 миндән чох мүсәлман Белчикада Шиә тәригәтин гәбул етмишдир.
Шәһид Доһдоһинин бариз вә мисилсиз фәалијјәтләриндән бири дә онун Белчика вә Авропада Ајәтуллаһ Шәһид Сәдрин усул елминдә јаздығы “Һәләгат” китабыны вә Фигһи китаблары һәм Әрәб вә һәмдә Франсыз дилиндә тәдрис етмәси иди...”
Гејд едәк ки, Шәһид Доһдоһинин 40 ахшамында Дүнја Мүсәлманларынын Тәглид Мәрҹәсиндән олан Ајәтуллаһ Ҝерами, Әхлаг устады вә Гумун мүвәггәти Ҹүмә Намазынын Имамлары Ајәтуллаһ Әмини вә Ајәтуллаһ Устади ҹәнаблары илә јанашы диҝәр шәхсијјәтли инсанлары да иштирак етмишләр.
Диггәт: Хәбәрдән истифадә етдикдә мәнбәјә истинад лазымдыр
