Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасынын Назирләр Кабинетинин 2012-ҹи илин биринҹи рүбүнүн сосиал-игтисади инкишафынын јекунларына һәср олунмуш иҹласда Азәрбајҹан Республикасынын Президенти Илһам Әлијев дејиб: "Ким истәјир Азәрбајҹаны гаршыдурма аренасына чевирсин, ҝетсин өзү үчүн башга јер ахтарсын. Елә гүввәләр вардыр ки, бөлҝәдә вәзијјәти гарышдырмаг истәјирләр. Елә гүввәләр вардыр ки, Азәрбајҹаны өз гоншулары илә үз-үзә гојмаг истәјирләр. Биз һеч вахт имкан верә билмәрик ки, әразимиздән гоншулара гаршы һансыса мәнфи планларда истифадә едилсин".
Азәрбајҹан Республикасынын бәзи анти-Иран даирәләриндә апарылан анти-Иран тәблиғат вә һәрәкәтләри силсиләсиндә олан өлкә президентинин ачыгламалары Азәрбајҹан һакимијјәтиндәки икили јанашманы даһа ајдын ҝөстәрир. Президент Администрасијасынын нүфузлу шәхси Рамиз Меһдијев ганады сионистләрин тәсири алтында Иран әлејһинә һәр јени ссенарини планлашдырдығы бир һалда һәр шејдән чох өз һакимијјәтини давам етдирмәји дүшүнән өлкә президенти Илһам Әлијев өлкәсиндә сакитлик јаратмаг вә сијаси гарышыглығы јатырмаг мәгсәдилә гоншулары (сиз Иран охујун) илә сазиши мәсләһәт ҝөрүр.
Гејд едәк ки, бир нечә террорчу групун һәбсинин вә онларын Ирана нисбәт верилмәсинин азәри медиасында ҝениш тәблиғи вә Иранын нүвә алимләринин террорчуларынын Азәрбајҹан торпағында тәлим ҝөрмәсинә шәраит јарадылмасы Азәрбајҹан өлкәсиндә сионистләрә бағлы ганадын тәһрикедиҹи һәрәкәтләриндән һесаб олур. Бу да хариҹи ишләр назирлијини бир нечә дәфә АР сәфирини чағырмаға мәҹбур етмишдир.
Диггәт: Хәбәрдән истифадә етдикдә мәнбәјә истинад лазымдыр
