Әһли Бејт -АБНА- хәбәр аҝентлијинин вердији хәбәрә әсасән АБШ Иран Ислам Республикасынын әсас мүхалиф гүввәләриндән сајылан Халг Мүҹаһидләри террор тәшкилаты үзвләринин Ирагдан көчүрүлмәси үчүн 5 гоншу өлкә илә разылыға ҝәлиб.
Өнҹәдән хәбәр вердијимиз кими ады чәкилән террорчу тәшкилатын көчүрүләҹәк өлкәләрдән биринин дә Азәрбајҹан Республикасы олдуғу билдирилир: “Бу террорчу груплашма үзвләринин Ирагдан чыхарылмасы гәти олдугдан сонра АБШ 5 өлкә илә данышыглар апарыб. Әлдә олунмуш разылашмаја әсасән, террорчу груплашма үзвләри АБШ-ын Орта Шәргдәки мүттәфиг вә достлары сајылан Сәудијјә Әрәбистаны, Ыорданија, Азәрбајҹан Республикасы, Гәтәр вә Пакистан арасында пајланаҹаг”.
Халг Мүҹаһидләр террорчу тәшкилаты Иранда шаһлыг дөврүндә јарадылыб. 1980-ҹи илләрдә Иранда шаһлыг режиминин деврилмәсиндән сонра апарылан референдумда халгын 98%-и Ислам Республикасына рәј вердикдә Халг Мүҹаһидләри Тәшкилат Иран Ислам Республикасына гаршы силаһлы мүбаризә апармаға башлајыб. Минләрлә динҹ әһалинин һәјатына сон гјуб. Јүзләрлә алим вә шәхсијјәтләри террор едиб. Силаһлы мүгавимәт мәғлубијјәтә уғрајандан сонра Халг Мүҹаһидләр Тәшкилатынын минләрлә үзвү Ислам Һөкүмәти тәрәфиндән јахаланараг едам едилиб, он минләрлә үзвү исә хариҹи өлкәләрә мүһаҹирәт едиб.
Тәшкилатын силаһлы ганады әсасән Ирагдакы “Әшрәф” һәрби гәрарҝаһында мәскунлашыб. АБШ-ын 1991-ҹи илдә Ирага һәмлә заманы Ираг Шиәләринин ган ичән Сәддам режиминә гашы чыхараг гијам едир. АБШ вәзијјәти белә ҝөрдүкдә (Шиәләрин Ираг Һакимијјәтинә саһиб чыхмасындан һүркүјәрәк) һава васитәси илә өзү гуру јер васитәси илә исә мәһз Халг Мүҹаһидләри террорчу тәшкилатын көмәји илә Шиәләрә зәрбәләр ендирир. Нәтиҹ он минләрлә Шиәләри ганына гәлтан едир.
АБШ-ын 2003-ҹү илдә Ирага нөвбәти һәрби һүҹумундан сонра бу өлкәдәки мүҹаһидләр Ирагын јерли Һакимијјәти сајәсиндә тамамилә тәрксилаһ едиләрәк “Әшрәф” гәрарҝаһында нәзарәт алтында сахланылыб.
Азәрбајҹан-Иран мүнасибәтләринин ҝәрҝин олдуғу бир дөврдә Бакынын белә бир аддым атмасы тәсадүфи дејил. Буна да неҹә дејәрләр “Кечинин башы гашындығда бујнузуну чобанын чомағына сүртәр” дејәрләр.
Диггәт: Хәбәрдән истифадә етдикдә мәнбәјә истинад лазымдыр
