Әһли Бејт -АБНА- хәбәр аҝентлијинин вердији хәбәрә әсасән Түркијәнин мәшһур арашдырмачы јазары, Исра мәдәнијјәт мәркәзинин сәдри, Нурәддин Ширин Хебернаме.аз Интернет гәзетинә мүсаһибә вермишдир.
- Мүхбир: Азәрбајҹандакы диндарларын һәбс олунмасыны неҹә дәјәрләндирирсиниз?
- Нурәддин Ширин: Азәрбајҹан халгы 70 иллик Совет коминист диктаторлуғунда дининдән дөнмәмиш, мүгәддәсатындан имтина етмәмиш, азадлығына говушдугдан сонра Ислами шәхсијјәтини ҝүҹләндирәрәк, Ислам вә Гуран бајрағы алтында вә Әһли бејт (ә) јолунда бөјүк бир иззәт ортаја гојмуш, һәм Азәрбајҹанда Ислами дирилиши ҹанландырмыш, һәм дә дүнја мүсәлманларына гаршы мәсулијјәтләрини јеринә јетирмәкдә бөјүк мәрдлик ҝөстәрмишдир.
Азәрбајҹан халгы, хүсусилә ҝәнҹ гардашларымыз Азәрбајҹан торпагларыны ишғал едән ермәни гатилләринә гаршы мүбаризә руһуну даһада гүввәтләндирмиш ејни заманда ишғал алтындакы Фәләстин вә Гүдсү мүдафиә етмәк, Исламын вә мүсәлманларын ән бөјүк дүшмәни сионизмә гаршы мүбаризәдә бөјүк ишләр ҝөрмүшдүләр.
Буна ҝөрәдир ки, Гәрб империализми вә сионизми, Азәрбајҹан халгынын ҝөстәрдији бу мүгавимәт руһундан горхмуш, Ислами ојаныш вә мүгавимәтин өндәрләрини өзүнә һәдәф сечмиш, онларын һәбс едилмәси, мүгавимәт руһунун гырылмасы үчүн бүтүн јоллара әл атмышдыр.
Башда Ислам Партијасы сәдри Һөрмәтли Мөвсүм Сәмәдов олмагла, Ислам партијасынын диҝәр идарәчиләри, һаҹы Абҝүл Сүлејманов, Зүлфигар Микајылзадә, Тале Бағыров кими мүбариз алимләр, Рамин Бајрамов кими ҹәсур журналистләр вә диндар мүсәлманлар Азәрбајҹанда Ислами дирилишә вә мүбаризәјә өндәрлик етдикләри үчүн ганунсуз һәбс олунмушлар, һаггларында ағыр һәбс ҹәзалары верилмишдир. Лакин, тарих бизә өјрәтмишдир вә Гуранда Аллаһ вәд вермишдир ки, залымларын сону һәмишә чох пис олмушдур, мәзлумлар һәр вахт галиб ҝәлмишдир. Бу ҝүн Азәрбајҹанда диндарлара һәр нә гәдәр зүлм едилсәдә Исламын сәдасыны кәсмәк, Исламын гәләбәсинә манеә төрәтмәк мүмкүн олмајаҹаг. Бу вәсилә илә, тәкрардан Азәрбајҹандакы гардашларыма салам ҝөндәрәрәк, зинданлардакы әзизләримизин әлләриндән өпүрәм. Онлар јалныз Азәрбајҹанын дејил, бүтүн дүнја мүсәлманларынын ифтихарыдырлар. Һеч кәс фикирләшмәсин ки онлар тәкдирләр, едилән бу зүлмләр ҹавабсыз галаҹаг. Бизләр Түркијәдәки мүсәлманлар олараг, Азәрбајҹанлы гардашларымызын галдырдығы иззәт вә мүгавимәт бајрағыны әлләримизә алараг бу бајрағы һәмишә далғаландыраҹағыг.
- Мүхбир: Сонда сајтымызын истифадәчиләринә сон сөзләриниз лүтфән…
- Нурәддин Ширин: Азәрбајҹанлы гардашларымыздан Ислам вә Гуран јолунда, Әһли-Бејтин бајрағы алтында, Исламын мүгәддәсатыны мүдафиә етмә мүбаризәсини горхмадан давам етдирмәләрини диләјирәм. Мән өзүм һәјатымда 10 ил зинданларда олдум, һеч бир заман кәдәрләнмәдим вә пешман олмадым. Әксинә, зинданларда кечән һәр саатымы бөјүк бир бәрәкәт вә немәт олараг ҝөрүрәм. Бу сәбәбдән Азәрбајҹанда исламын мүгәддәсатыны иҝидҹә мүдафиә етдикләри үчүн зинданлардакы гардашларыма гибтә едирәм, онларын Аллаһ гатында нә бөјүк мөвгеләрдә олдуғуну билирәм, каш ки мән дә онларын мөвгеләринә чата биләм дејә Аллаһа дуа едирәм.
Бу ҝүн бахырыг ки, бәзиләри өзләрини һәм диндар, һәм дә алим кими ҝөстәрир. Һәм Әһли-Бејт мәктәбинә бағлы олдуғуну сөјләјир, һәм дә минбәрләрә чыхыб, орда бурда данышыб Азәрбајҹандакы мүгавимәт руһунун өлдүрүлмәси үчүн, халгын вә ҝәнҹләрин мүгавимәт хәттиндән чыхмасы үчүн сәј сәрф едир. Бу едиләнләр Шам сарајларында топлананларын етдикләри кимидир. Мүавијәнин сүфрәсиндә отуранлар нә етдиләрсә, нә сөјләдиләрсә, бу ҝүн арамыздакы бәзиләри ејнисини едир. Онларын бу һәрәкәтләри сизләри чашдырмасын, Минбәрләри сизи алдатмасын. Сахтакар, јаланчы вә икиүзлү сөзләри сизләри алдатмасын. Чүнки онлар залымлар гаршысында әјилмәнин бөјүк зилләтини чијинләриндә дашыјырлар. Дүнјапәрәстликләри вә мөвгепәрәстликләри, егоизм вә нәфспәрәстликләри онлары ағушуна алмышдыр, һәдәфләри өз мәнфәәтләри вә мөвгеләридир. Онларын имам Һүсејни (Ә) Језидә сатан Куфәлиләрдән һеч бир фәрги јохдур. Әһли-Бејт мәктәби јалтагларын вә зилләтә мәһкум олмушларын јолу дејил, дик дајананларын вә мүгавимәт ҝөстәрәнләрин мәктәбидир. Буну да зинданлардакы гардашларымыз ҝөстәрмишләр.
Азәрбајҹанлы шәрәфли, иҝид гардашларымдан вә баҹыларымдан хаһиш едирәм ки, зинданлардакы гардашларыны бир ан олсун унутмасынлар. Онлар бизим шәрәф вә намусумуздур. Онларын аиләләринә һаггыјла саһиб чыхсынлар, онлара тәклик вә көмәкчисизлик һисси јашатмасынлар. Ҝөрәсән, Имам Һүсејнин јетим гызы Һз. Рүгәјјә (с.ә) биби Зејнәбә (с.ә) „биби атам һарадады, нә вахт ҝәләҹәк?” дејә сорушдуғунда „сәфәрә ҝетди, балам, сәфәрдән ҝәләҹәк” дејән Һз. Зејнәбин (с.ә) неҹә бир руһ һалында олдуғуну дүшүнә билирикми? Инди зинданлардакы бу әзизләримизин ушаглары, һәјат јолдашлары, онларын азадлығыны фикирләшә билирми? Аталарыны, һәјат јолдашларыны јанларында, өз евләриндә, өз сүфрә башларында ҝөрмәк истәмирми? Бизләр Түркијәдә бир ҝүн олсун бу әзизләримизи унутмуруг вә унутмајаҹағыг.
- Мүхбир: Тәшәккүр едирик...
- Нурәддин Ширин: Мән дә тәшәккүр едирәм, сизә дә мүвәффәгијјәт диләјирәм. Аллаһ көмәкчиниз вә горујуҹунуз олсун.
Һазырлады Хебернаме.аз Интернет гәзетинин баш редактору Сејмур Исмајылов
Диггәт: Хәбәрдән истифадә етдикдә мәнбәјә истинад лазымдыр
