Бу ҝүн јазымда Аллаһа хидмәтдән бәһс етмәк истәрдим. Бәлкә суал јарана биләр ки, нијә мәһз бу һагда? Белә ки, дүшүнүрәм мүасир дини ҹәмијјәтдә бу мөвзунун дәјәри азалыб. Ја да дәјишиб десәк, даһа мүнасиб олар.
Дини мәтнләрә бахдыгда, Аллаһа хидмәтин тәк ваҹибат әмәлләрдән ибарәт олмадығыны ҝөрүрүк. Бәс нијә бу ҝүн әксәр мүсәлманлар јалныз ваҹибата әмәл етмәклә илаһи вәзифәнин бунунла јекунлашдығыны дүшүнүрләр?!
Фикримҹә, илк олараг әксәријјәт фәргиндә белә дејилдир ки, Аллаһа хидмәт нәдән ибарәтди. Јәни, бу мүстәвидә кифајәт гәдәр маарифләнмәјибләр.
Диҝәр мәсәлә - сүстлүк вә архајынчылыг һиссидир фикримҹә. Инсан ваҹибатдан о јанасына өзүнү һазыр билмир. Вә ја әтрафында фәал олан диндарларын кифајәт етдијини дүшүнүр.
Мәнҹә амилләрдән бири дә Аллаһа хидмәт үчүн хүсуси мәкан вә шәраитин олдуғу дүшүнҹәсидир. Јәгин ки, амилләр чохдур. Лакин, һал-һазырда јалныз бунлар дүшүнҹәмә ҝәлир.
Әслиндә бу садаладығымыз амилләри арадан галдыра билсәк, ҹәмијјәтдә фәал фәдакарларын сајыны чохалтмаг олар.
Бәс бу амилләри неҹә арадан галдыраг?
Һәр һалда бу мүстәвидә маарифләндирмә - ән әсас мәсәләләрдән биридир.
Бир кәс Аллаһа хидмәтин нә олдуҝуну дәрк етсә, о евдә, ағыр иш шәраитиндә вә с. олмасындан асылы олмајараг, илаһи вәзифәсини јеринә јетирәр. Бунунла о, һәм Аллаһла өз бағыны мөһкәмләндирмиш олар, һәм дә топлума хејир вермиш олар.
Үмүд едирәм ки, тезликлә ҹәмијјәтимиздә өз илаһи вәзифәсини дәрк едән вә инсанлыға өз хејирли төһфәләрини верән инсанларын сајы артар. Инсанлар сөзүн әсл мәнасында Аллаһа хидмәт етмәклә бәшәрә рифаһ ҝәтирәрләр.
Һумај Һаҹыјева
Диггәт: Хәбәрдән истифадә етдикдә мәнбәјә истинад лазымдыр
