Әһли Бејт -АБНА- хәбәр аҝентлији- АБШ Дөвләт Департаменти Сәфәр Әбијевин Теһранда Гарабағла бағлы сәсләндирдији бәјанатлара реаксија вериб. Бәјанатда билдирилир ки, Гарабағ мүнагишәсинин һәрби һәлл јолу јохдур. Вә тәрәфләри тәхрибатчы һәрби риторикадан имтина етмәјә, халгларыны мүһарибәјә дејил, сүлһә һазырламаға чағырылыр. Бу бәјанатдан сонра белә демәк олармы ки, Азәрбајҹанын өз торпагларынын азадлығы үчүн мүһарибә етмәси белә өз ихтијарында дејил? Мөвзу илә бағлы ФактХебер.ҹом-а ачыглама верән АДП-нин сәдр мүавини Һәсрәт Рүстәмов, АБШ дөвләт департаменти, о ҹүмләдән диҝәр дүнја дөвләтләри Гарабағ мәсәләси илә әлагәдар охшар бәјанатларла әввәлләр дә чыхышлар етдијини билдирди: “АБШ-ын мөвгејиндә бу мәнада һәр һансы бир дәјишиклијин олдуғуну дејә билмәрик. Чох ҝүман ки, Дөвләт Департаменти бунунла С.Әбијевин Иран сәфәринә биҝанә олмадығыны вә реҝионда ҝедән просесләрлә јахындан марагландығыны нүмајиш етдирмәјә чалышыр.”
Азәрбајҹанын өз торпагларыны мүстәгил шәкилдә һәрби јолла азад етмәси мәсәләсинә ҝәлинҹә исә, тәәссүф ки, дејиләнләрин һәгигәт олдуғуну гејд едән Һәсрәт бәј, “тәәссүф ки, дејиләнләр һәгигәти әкс етдирир. Мүасир дүнјада Азәрбајҹан кими дөвләтин бу ҹүр мәсәләләри һәрби јолла биртәрәфли гајдада һәлл етмәси гејри мүмкүндүр”, - дејә билдирди: “Бунун үчүн мүтләг дүнја супер ҝүҹләринин разылығы вә актив дәстәјинин олмасы ваҹибдир. Амма бу һеч дә о демәк дејил ки, Азәрбајҹан өз торпагларыны һәрби јолла олса да азад етмәкдән данышмамалыдыр. Әксинә јери ҝәлдикҹә бу барәдә бәјанатлар сәсләндирмәк олдугҹа ваҹибдир. Хүсусилә дә мүдафиә назиринин бу ҹүр бәјанат вермәси гәтијјән тәәҹҹүблү ҝөрүнмәмәлидир.”
Хәјал Шүкүр
Диггәт: Хәбәрдән истифадә етдикдә мәнбәјә истинад лазымдыр
