Әһли Бејт -АБНА- хәбәр аҝентлији- Бир мүддәт өнҹә өлкәдә диндарларын күтләви һәбси заманы ахундундан тутмуш сирави диндара кими онларла шәхс һәбс едилди. Илк әввәл онларын һарада сахланылдығы вә һансы маддәләрлә иттиһам олунмасы барәдә рәсми органлардан хәбәр алмаг мүмкүн олмады. Индијә гәдәр дә рәсми органлар бир-ики нәфәри чыхмаг шәрти илә һәбс олунан 25-ә јахын диндар барәдә һеч бир ачыглама вермәјиб. Һәбс олунан диндарлар барәдә јахынлары вә вәкилләри васитәси илә мәлумат әлдә етмәк олуб. Амма бәзән нәдәнсә вәкилләр дә мәлумат вермәкдән чәкинирләр. Бунлар әсасән дөвләт тәрәфиндән тәјин олунан вәкилләр олур.
Мәлумат әлдә едилмәси мүмкүн олмајан руһаниләрдән бири дә Бинә гәсәбәсинин ахунду Һаҹы Илһам Әлијев иди. Бу ҝүн Илһам Әлијевин вәкили илә әлагә сахладыг. Вәкилдән мүвәккили барәдә мәлуматы чәтинликлә әлдә етдик.
Вәкил Пәрвиз Әләкбәров ФактХебер.ҹом-а вердији ачыгламада билдирди ки, Һаҹы Илһам Әлијев барәдә мәлумат вермәјә сәлаһијјәти чатмыр. Бу истинтаг сирридир. Јалныз ону дејә биләрәм ки, мүвәккилим, илаһијјатчы Һаҹы Илһам Әлијев Ҹинајәт Мәҹәлләсинин 228.1-ҹи маддәси илә (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) иттиһам олунур. О, һазырда Шүвәлан тәдриҹханасында сахланылыр. Сәһһәти нормалдыр.
Емин Нәсирли
Диггәт: Хәбәрдән истифадә етдикдә мәнбәјә истинад лазымдыр
