Әһли Бејт -АБНА- хәбәр аҝентлијинин вердији хәбәрә әсасән “Дин саһәсиндә милли кадрларын азлығы әсас проблемләрдән биридир”. АПА-нын хәбәринә ҝөрә, буну Дини Гурумларла Иш үзрә Дөвләт Комитәсинин сәдри Һидајәт Оруҹов дејиб.
Комитә сәдри билдириб ки, Азәрбајҹан “мүстәгиллијини” бәрпа етдикдән сонра хејли сајда ҝәнҹ гејри-дөвләт хәтти илә хариҹдә дини тәһсилә “ҹәлб” олунуб. Амма онларын “бөјүк әксәријјәти” тәһсил алдыглары хариҹи өлкәләрин идеолоҝијасынын “тәәссүбкеш вә тәблиғатчы”сына чеврилибләр.
Бу дурумдан тәәссүфләндијини билдирән Һидајәт Оруҹов гејд едиб ки, һазырда “милли идеолоҝијамыз”а садиг ҝәнҹ, “вәтәнпәрвәр кадр”ларын һазырланмасы гаршыда дуран әсас вәзифәләрдәндир.
P.S. гејд етмәк лазымдыр ки, әлијевләр режиминин мәмуру Һ.Оруҹовун чыхышында “Ислам Дини” дејил мәһз “Дин саһәсиндә...” демәси онун ҝөстәриҹисидир ки, режим Ҹинајәт Мәҹәлләсинә јалныз Ислам Дини илә бағлы мәһдудијјәтләрин әлавә етмәсини нәдәнсә ашкара дилә ҝәтирмир!
Бунунла белә вәтәндашларын үнванына тәһгирләрлә долу олан чыхышын бәзи мәгамларына тохунуруг.
Әввәла "тәәссүбкүш" вә "тәблиғатчы" дејәндә һамыја ајдындыр ки, Һ.Оруҹов һансы хариҹи тәләбәләри нәзәрдә тутур. Амма ҝәлин унутмајаг ки, хариҹдә садәҹә дини дејил, үмумијјәтлә тәһсил алан һәр кәс һәмин өлкәнин мәдәнијјәти вә адәтләри тәрәфиндән тәсирләнир. О, заман ҝәрәк мәсәлән хариҹдә истәр дини истәрсә дә гејри дини тәһсил алмыш БҮТҮН тәләбәләри Азәрбајҹана хүсуси јохланышла бурахсынлар. Бу дүзҝүн дејил.
Икинҹи “милли дини тәһсил” дејә бир анлајыш вармы? Ислам һансыса милләтин малы дејил. Һәзрәти Мәһәммәд (сәлләлаһу әлејһи вә алеһ) диҝәр пејғәмбәрләрдән фәргли олараг бүтүн бәшәријјәтә ҝөндәрилиб. Она ҝөрә дә Исламда һансыса милләт үстүн тутула билмәз, һеч ким дә Исламы өзәлләшдирә билмәз.
Демәли Һидајәт Оруҹов “милли идеолоҝијамыз”а садиг ҝәнҹ дедикдә Азәрбајҹанда әлијевләрин коррупсионерлијинә гаршы чыхмајан, Мәсҹидләрин дағыдылыб јандырылмасына етираз етмәјән, Һиҹаб вә саир дини вә сосиал мәсәләләри мәһв етдикдә буна дәстәк чыхан, үздәнираг “Евровижинә” бәли дејән “руһсуз ҹаванлар”ы нәзәрдә тутур.
Диггәт: Хәбәрдән истифадә етдикдә мәнбәјә истинад лазымдыр
