Әһли Бејт -АБНА- хәбәр аҝентлијинин вердији хәбәрә әсасән Ирагын Али Ислам Шурасынын сәдри Сејјид Әммар әл-Һәким Мәһәммәд(с) пејғәмбәрин мөвлуду мүнасибәтилә кечирилән Али Ислам Шурасынын хүсуси иҹласында Иран Ислам Ингилабынын бүтүн мүсәлман халглары үчүн бир модел олдуғуну билдириб.
Һүҹҹәтүл-Ислам Сејјид Әммар әл-Һәким Али Ислам Шурасынын иҹласында чыхышы заманы дејиб ки, мәрһум Имам Хомејнинин әсас өзәллији о иди ки, сүбут етди ки, Ислам дининин васитәсилә ҹәмијјәти идарә етмәк мүмкүндүр. Имам Хомејни(р) бүтүн дәстәләри, о ҹүмләдән, сағ вә сол тәмајүллү партијалары өз рәһбәрлији алтында бир едә билди вә Ислам дининин һөкүмәти идарә етмәк нәзәријјәсини һәјата кечиртди.
Бир рәһбәрин диҝәр өзәллији өзүндән сонра тәрбијә етдији ҹанишин јетишдирмәкдир дејән Әммар әл-Һәким дејиб ки, мәрһум Имам Хомејнинин вәфат етмәсиндән сонра Ајәтуллаһ Хаменеи рәһбәрлији өз өһдәчилијинә ҝөтүрдү вә дөвләти идарә етмәк габилијјәтилә Ислам Ингилабыны габаға апарараг, ирәли чыхан манеәләри кечә билди.
Диггәт: Хәбәрдән истифадә етдикдә мәнбәјә истинад лазымдыр
