Әһли Бејт -АБНА- хәбәр аҝентлији- Ҝазетеҹилер.ҹом-да Ҹенк Ачыг имзасы илә нәшр олунан бир мәгаләдә Заман гәзетинин нәшр етдији бир хәбәрин Исраил режиминин мөтәбәр гәзетләриндән бири олан Һааретздә баш сәһифәдә өзүнә јер алдығындан јазылыр.
"Иран Түркијәдәки АБШ сәфирлијинә һүҹум планлашдырыр" башлыглы хәбәрин Исраил бахымындан әһәмијјәти аләмә бәлли икән бу хәбәрин неҹә вә нә үчүн Заман гәзетиндә јер тапа билмәсини диггәт чәкән мәгаләдә Түркијәдәки диндар кәсим үчүн "аҹынаҹаглы бир һалы" характеризә етмәси нәдәндир!?
Ҹенк Ачыг имзалы о мәгалә:
Исраил режиминин мөтәбәр гәзети “Һааретз”ин илк сәһифәсиндә мараглы бир хәбәр ҝөрдүм.
Хәбәри мараглы едән мәзмунундан чох гајнағы иди.
Һааретз хәбәри "Иран Түркијәдәки АБШ сәфирлијинә һүҹум планлашдырыр" башлығыјла нәшрә вермишди. Хәбәрин гајнагы исә Заман гәзети иди. Јәни Заман гәзетинин нәшр етдији бир хәбәр Исраилдә дә чап олмушду.
Бу, Заман гәзетинин Иранла әлагәдар илк хәбәри дејил. Сон бир нечә ајдыр Заман гәзетиндә Иранла әлагәдар хәбәрләрдә гәрибә бир артым ҝөрүнүр.
Мисал үчүн өтән ҝүнләрдә Заман "Ирандан Суријаја силаһ дашыјан Тирларин" Түркијәдә дајандырылдығыны башлыг етмишди.
Өнҹәдән бу ҹүр, јәни дезенформасјон хәбәрләри биз Азадлыг, Республика, Миллијјәт кими медиаларда охујурдуг. Заман кими мүһафизәкар гәзетләр исә там әксинә олараг, бу ҹүр хәбәрләрдәки дезенформасјаны тапараг охуҹунун диггәтинә чәкәрди.
Лакин бу сәфәр һәр шеј там фәрглидир. Ҝөрүнүр ки, Түркијәдә роллар дәјишди.
Јахшы нә олур? Нијә Заман бу ҹүр хәбәрләрә приоритет верир? Нәдир Түркијә үзәриндә ојнанмаг истәнән әсл ојун? Һансы имтаһан әрәфәсиндәјик ки, Заман гәзети АБШ вә Исраилин Ирана диш гыҹыртдығы бир дөврдә бәдҝүманлыға сәбәб олаҹаг хәбәрләри нәшр етмәкдән имтина етмир?
Чүнки биз билирик ки диндар сегментин вә јахуд мүһафизәкарларын әлејһинә ола биләҹәк хәбәрләр, доғру олса белә Заман гәзетиндә бу асанлыгла ишығ үзү ҝөрмүр.
Заман гәзети һәр ан белә хәбәрләрә гадағар гојмагда давам едир. Белә ки, бу сәфәр АБШ вә Исраил режимин дахилиндә олдуғу бир мәсәләдә Заман гәзети ҝөзүнү кырпмадан Иран әлејһинә иҹтимаијјәти мејдана ҝәтирмәјә чалышмагдан имтина етмир.
Сизҹә бу гәрибә доғуран вәзијјәт дејилми?
Заман гәзети Иран әлејһинә бу ҹүр хәбәрләрин Түрк медиасында јајылмасында о гәдәр һәвәслидир ки, гәзетин редактору Әкрәм Түстү нәшр етдији јазысында Түрк медиасынын Иран мәсәләсинә лагејдлијиндән шикајәт едиб "медиаларын бу хәбәрләрә нә үчүн мараг ҝөстәрмәдијини" сорушур.
Сизҹә бу Түркијәдә рол дәјишиклији дејилми?
Јәни өзләринин ҝөстәрдији сәјләр аз дејилмиш икән Түрк медиасынын Иран хәбәрләринә марагсыз тутумундан да шикајәт едирләр.
Диггәтсизлијин өлчүсүнү ҝөрүрсүнүзмү?
Мараглыдыр, нәдир бу сәјин алтында јатан әсл дәрд?
Һәгигәтән Түркијәдә диндар кәсим аҹынаҹаглы бир һалдадыр. Габагкы дөврләрдә шикајәт етдикләри нә гәдәр нараһат едиҹи тутум, тәрз, давраныш, сәј вар идисә инди һамысыны бир-бир өзләри һәјата кечирмәкдән ҝери галмырлар.
Бир гисим мүһафизәкар медиа "Суријадакы вәзијјәтин аҹынаҹаглығыны" бизә гандырмагдан өтрү чалышаркән, бир гисими дә Ираны ҝөзүмүздән салмаға сәј едир.
Өнҹәдән бу ҹүр ишләри Түркијәдәки Америка нөкәрләри едирди. Инди исә ҝөрүнүр о ки тендер ‘Исламчылара' галмыш. Буну едәркән үстәлик һеч белә хәҹаләт дә чәкмирләр. Бу етдикләрини кимсәдән ҝизләтмәјә дә еһтијаҹ дујмурлар.
Мәсәләнин диггәт чәкән бир башга тәрәфи дә Заман гәзетинин Иран әлејһинә хәбәрләри һәвәс вә һәјәҹанла нәшр етдији анда бир мүддәт бундан габаг мәтбуата сызан "АБШ әсҝәрләринин Талибан ҹәсәдләринин үзәринә сидикләрини ахытмасы" хәбәрини ишыгландырмамасыдыр.
Јәни АБШ әсҝәрләринин чиркинлији Заман гәзетиндә хәбәр олмады. Олдуса да чох мүлајим шәкилдә истифадә едилди, мән ки, ҝөрмәдим.
Нәјсә, әсл мәсәлә Заман групунун неҹә бир һесаб ҝүддүјүдүр. Бу мөвзуда бир шәрһ едәҹәкләринә еһтимал вермирәм.
Лакин Түркијәдә әлдә едилән ‘ҝүҹүн анҹаг АБШ илә гурулан ‘мөһкәм' әлагә сајәсиндә мүһафизә едилә билдијини билирик.
Кимиси Суријаны јем едәрәк игтидарыны горумаға чалышар, кимиси дә Иран мөвзусунда бу өлкәнин дүшмәнләри илә ортаглыға ҝедәрәк игтидарыны горумаға чалышыр.
Ишин ән мараглы јаны исә ‘игтидар үчүн' бир-бирини хәрҹләјәнләрин ортаг мәхрәҹинин ‘дин' гајнаглы шәхсијјәт олмасыдыр.
Диггәт: Хәбәрдән истифадә етдикдә мәнбәјә истинад лазымдыр
