Әһли Бејт -АБНА- хәбәр аҝентлијинин вердији хәбәрә әсасән: Һөкумәт Иран Ислам Республикасы Гызыл Ајпара Ҹәмијјәтинин “Иран Клиникасы”нын фәалијјәтини мәһдудлашдырмаг нијјәтиндәдир.
Мәлуматда вурғуланыр ки, Назирләр Кабинетинин Һуманитар Шөбәсиндән клиниканын рәһбәрлијинә ҝөстәриш ҝәлиб ки, тибб оҹағынын ханым персоналынын иш вахты һиҹабдан истифадә етмәси гадағандыр. Онлар бүтүн тибб оҹагларындакы стандарт формадан вә баш өртүјүндән - “папагдан” истифадә етмәлидирләр.
Гадаға коллективдә бөјүк наразылыгла гаршыланса да, клиникада артыг ики ҝүндүр ки, һиҹабдан истифадә олунмур. Клиника рәһбәрлијинин ҝөстәришә табе олмајаҹағы тәгдирдә ҹидди проблемләрлә үзләшәҹәји месажы да верилиб.
Һакимијјәтин “Иран клиникасы”на бу ҹүр мүнасибәти ики сәбәблә изаһ олунур. Биринҹи сәбәб әһалинин сон заманлар клиникаја даһа чох мүраҹиәт етмәсидирсә, икинҹи сәбәб Иранла-Азәрбајҹан арасында јашанан ҝәрҝинликдир.
Мәсәләјә ајдынлыг ҝәтирмәк үчүн клиника рәһбәрлији илә әлагә сахладыг. Амма баш һәким Мәһәммәдрза Нәгашијә үнванладығымыз суала ҹаваб ала билмәдик. О билдирди ки, онун мәтбуата ачыглама вермәк сәлаһијјәти јохдур.
Диггәт: Хәбәрдән истифадә етдикдә мәнбәјә истинад лазымдыр
