Әһли Бејт -АБНА- хәбәр аҝентлијинин вердији хәбәрә әсасән: Мәркәзи АБШ-да јерләшән Бејнәлхалг ЛҜБТ тәшкилаты (ЛҜБТ-Лезбијан, Ҝеј, Бисексуал, Трансвестит) Бакыда кечириләҹәк “Еуровисион-2012″ мүсабигәси заманы (бу ил мајын 22-26-да) ”әнәнәви ҝеј-парадын” кечирәҹәји барәдә бәјанат вериб. Бу барәдә ЛҜБТ-нин рәсми сајтында, һабелә бир сыра туризм сајтларында, о ҹүмләдән ниҝһттоурс.ҹом сајтында мәлумат јајылыб.
Артыг бу мөвзу Азәрбајҹанын електрон медиасында вә сосиал шәбәкәләрдә дә мүзакирә олунур.
Мүзакирәләрдә әксәријјәт бу ҹүр һадисәнин баш вермәсинә мүсбәт бахмыр вә буну јолверилмәз сајыр. Ҹәмијјәтин фәал нүмајәндәләри исә белә бир мәлуматын јајылмасына хүсусилә гәзәбли јанашыр. Бир сыра сијаси даирәләр исә бу мәлуматы вә онун архасындакы просесләри Азәрбајҹана гаршы тәхрибат кими гијмәт верир.
Һакимијјәт дүшәрҝәсиндән олан бир мәмур исә мөвзунун гејри-әнәнәви олмасы сәбәбиндән адынын ачыгланмамасы шәрти илә мүхбиримизә дејиб ки, бүтүн бунлар хариҹи гүввәләрин Азәрбајҹана гаршы тәхрибатыдыр: “Бу ҹүр просесләр Бакыда кечириләҹәк ”Еуровисион” мүсабигәсинә гаршы тәхрибатдыр. Буна имкан вермәјәҹәјик. Лакин ҝәрәк ҹәмијјәт дә бу ҹүр һаллара лазыми реаксија версин”.
Мараглыдыр ки, һәмин сајтда “мави”ләрин “ҝеј-парад”ы заманы галмаг үчүн “ујғун вә дост һотелләр”ин сијаһысы да дәрҹ едилиб. Бунлар Бакыдакы “Премиер Һотел”, “Палаҹе Һотел Баку” вә “Лаке Палаҹе Һотел”дир.
Мәсәлә илә әлагәдар адычәкилән һотелләрин рәһбәрлији илә әлагә сахладыг. Нијә бу һотелләр дүнјадакы сексуал азлыгларын сијаһысындадыр? “Премиер Һотел”ин Нәсими адлы сатыш менеҹери деди ки, “Еуровисион”ла бағлы һотелләрин брон едилмәсинә Мәдәнијјәт вә Туризм Назирлији тәрәфиндән гадаға гојулуб вә мүвафиг мәктуб ҝөндәрилиб. Нәсими бәј ону да деди ки, мавиләрин сајтында онларын һотелинин адынын олмасы тәәҹҹүблүдүр: “Бу, мәнәвијјатымыза зиддир. Бизим һотелин саһиби һаҹыдыр. Буна имкан вермәз. Һотелимиздә һеч ички вә сигарет дә сатылмыр”.
“Лаке Палаҹе Һотел”ин сатыш мүдири Тоғрул Исламов назирлик тәрәфиндән “Еуровисион”ла әлагәдар габагҹадан брон гадағасынын олмасыны тәсдигләди. Исламов “мави”ләрин Бакыја ҝәлишинә фәргли фикир сәсләндирди: “Назирлик брон етмәјә иҹазә вермәјиб. Лакин он-лајн олараг мүштәриләр һотелимиздә галмаг үчүн артыг мүраҹиәт едирләр. О ки галды ”мави”ләрә, онларын Бакыја ҝәлишиндә һеч бир пислик ҝөрмүрәм. Хариҹдә бу нормалдыр. Даһа чох “мави”ләр бизә Алманија вә Инҝилтәрәдән мүраҹиәт едир”.
Мәдәнијјәт вә Туризм Назирлијинин мәтбуат катиби Интигам Һүмбәтов мүхбиримизә деди ки, назирлик дөвләт башчысынын јаратдығы “Еуровисион-2012″ комиссијасына дахилдир. Бу сәбәбдән дә бу бөјүк тәдбирә даир һотел планлашдырмаларына аид бир сыра тәклиф вә мәктублар ола биләр: ”Ола билсин ки, назирлик һотелләрә дедијиниз мәктублары јоллајыб. Лакин хариҹи гонагларын тәснифаты барәдә мәлуматым јохдур, бу мөвзу илә бағлы сәлаһијјәтли дејиләм”.
Әлагә сахладығымыз ЛҜБТ-нин Авропа Тәсисатынын Ендрү адлы нүмајәндәси дә мавиләрин Бакыда кечириләҹәк парадындан хәбәрдар олдуғуну деди: “Тәшкилатымызын мәркәзи офисинин ”ҝеј-парад”ын кечирилмәси барәдә гәрарындан хәбәрдарам. Мәндә олан мәлумата ҝөрә, һомосексуалларын парадында Алманијадан тутмуш Молдовајадәк олан 2 миндән чох “мави” иштирак едәҹәк. Парадын кечирилмәсиндә исрарлыјыг. Сизин һөкумәт “Еуровисион” заманы инсан азадлыгларынын тәмин едилмәсини бојнуна ҝөтүрүб вә Авропа Јајымчылар Бирлији гаршысында заминлик ҝөтүрүб”.
Республикада “мави”ләрин һүгугларынын мүдафиәси илә мәшғул олан вә рәсмән “Ҝендер вә тәрәгги” адлы ГҺТ-нин рәһбәри Камран Рзајевлә дә данышдыг: “Тәшкилатымыз 2007-ҹи илдә јараныб. Мәгсәдимиз әһалинин бу һиссәси үчүн мүвафиг иҹмаларын јарадылмасы, онлара психоложи көмәјин ҝөстәрилмәсидир. Үзвләрин гејдијјатыны апармырыг, чүнки инсанлар онлар барәдә мәлуматларын полис органларына вериләҹәјиндән еһтијат едирләр. Һәр ил мән ЛҜБТ-нин Азәрбајҹандакы вәзијјәти барәдә мәлуматы АБШ сәфирлији васитәсилә БМТ-нин Инсан Һаглары Комиссијасына тәгдим едирәм. О ки галды ”Еуровисион” заманы кечирилмәси ҝөзләнилән “ҝеј-парад”а, тәшкилатымызын бунунла һеч бир бағлылығы јохдур. Биз орда иштирак етмәјәҹәјик”.
Гејд едәк ки, “ҝеј-парад”лар бир сыра Авропа өлкәләриндә кечирилир. Лакин онлара гаршы ҹидди мүдахилә вә мүгавимәтләр дә олуб. 2005-ҹи илдә Полшанын пајтахты Варшавада кечирилмәси нәзәрдә тутулан “ҝеј-парад”а мәрһум президент Лех Качински гәти шәкилдә етираз едәрәк парадын кечирилмәмәси ҝөстәришини вермишди. Онун бу гәрары Авропа Мәһкәмәси тәрәфиндән 2007-ҹи илдә инсан һагларынын позулмасы кими гијмәтләндирилмишди. Качинскинин тәјјарә гәзасында дүнјасыны дәјишмәсиндән сонра исә Полшада “ҝеј”ләрин јолу ачылды.
“Ҝеј-парад”ын кечирилмәсинә гадаға 2005-ҹи илдә Москвада да гејдә алыныб. О дөврүн мери Јури Лужков “ҝеј-парад”ы гадаған едән гәрар чыхармышды. Аксијаны кечирмәјә ҹәһд ҝөстәрән “ҝеј”ләрин гаршысына исә милләтчи ҝәнҹләр чыхмышды. Бу һадисәләр нөвбәти илләрдә дә тәкрарланды. 2009-ҹу илдә, “Еуровисион” мүсабигәси Москвада кечириләркән дә “ҝејләр”ин парадына имкан верилмәмишди. 2010-ҹу илдә Авропа Мәһкәмәси “ҝеј-парад”ын Москвада гадаған олунмасыны гејри-гануни адландырса да Русија рәһбәрлијинин 2011-ҹи илдә дә гәрары дәјишмәди.
Мүгајисә јерсиз олса да гејд едәк ки, мөвҹуд һакимијјәт артыг бир нечә илдир ки, өлкәдә сәрбәст топлашмаг азадлығына риајәт етмир. Бу сәбәбдән онун мајда 2000 үздәнирағын Бакыда тәрбијәсиз вә әхлагдан кәнар, Азәрбајҹан ҹәмијјәтинин әнәнәләринә ујғун ҝәлмәјән бир парада иҹазә вермәси мүмкүн ҝөрүнмүр.
Диггәт: Хәбәрдән истифадә етдикдә мәнбәјә истинад лазымдыр
