Әһли Бејт -АБНА- хәбәр аҝентлијинин вердији хәбәрә әсасән: Гәрб вә сионист гүввәләринин Иран Ислам Республикасына гаршы әдавәти сәнҝимир. Белә ки, даһа бир иранлы нүвә алимин суи-гәсдлә амансызҹасына террор едәрәк шәһадәтә јетирибләр.
Дүнән сәһәр саатларында Теһран Университетинин нүвә профессору, Иран Ислам Республикасынын ән бөјүк нүвә објектини курасија едән Мустафа Әһмәд Рошанын автомобили партладылыб. Намәлум шәхс профессорун Теһран Университетинин гаршысындакы автомобилинә магнит бомбасы јерләшдирәрәк мотосиклетлә һадисә јериндән узаглашыб.
Баш вермиш партлајыш нәтиҹәсиндә Мустафа Әһмәд вә онун бир һәмкары һәлак олуб, бир нәфәр исә јараланыб. Иран Ислам Республикасынын Дөвләт Телевизијасы дәрһал елан едиб ки, партлајышы Ишғалчы Исраил режиминин хүсуси хидмәт органлары тәшкил едиб. Белә ки, Исраил режиминин хүсуси хидмәт органлары бундан әввәл дә Иран Ислам Республикасынын нүвә алимләрини бу ҹүр партлајышларла арадан ҝөтүрүб.
Шаһидләрин билдирдијинә ҝөрә, профессорун автомобилинә һәрәкәтдә оларкән мотосиклетлә јахынлашан намәлум шәхс онун идарә етдији, Иран Ислам Республикасынын истеһсалы олан “Пежо 405" маркалы автомобилин гапысына магнитли бомба јапышдырыб вә сүрәтлә узаглашыб. Аз сонра ҝүҹлү партлајыш баш вериб вә нүвә алими һәлак олуб. Һадисә јеринә дәрһал Иран Ислам Республикасынын тәһлүкәсизлик гүввәләри ҝәлиб, әтраф күчәләрдә нәглијјатын һәрәкәти дајандырылыб. Лакин шәһәрдә апарылан ахтарышлара бахмајараг мотосиклетчини тапмаг мүмкүн олмајыб.
Гејд едәк ки, террор едилән профессорун ҹәми 32 јашы олуб. Буна бахмајараг, о, нүвә саһәсиндә ҝүҹлү арашдырмалар апарараг ҝәнҹ јашда профессор ады алыб. Һәмчинин Иран Ислам Республикасынын Исфаһан вилајәтиндәки Натанз нүвә заводунун ишләрини курасија едиб. Билдирилир ки, алим заводун һәм дә коммерсија мәсәләләри үзрә директор мүавини олуб. Иран Ислам Республикасынын хүсуси хидмәт органларындакы мәнбәләр билдириб ки, партлајышы “Моссад”ын тәшкил етдијинә шүбһә јохдур. Белә ки, бу һадисәдәки дәст-хәтт 2010-ҹу илдә Иран Ислам Республикасынын апарыҹы нүвә алимләриндән профессор Мәсуд Әли Мәһәммәдинин өлдүрүлмәсини хатырладыр. Һәмин вахт мотосиклетдә һәрәкәт едән суи-гәсдчи магнитли бомбаны нүвә алиминин автомобилинә јапышдырмышды вә Мәһәммәди евдән чыхыб ишә ҝедәркән автомобилини ишә саланда ҝүҹлү партлајыш баш вермишди. Һәмин илин нојабрында диҝәр нүвә алими Мәҹид Шәһриани дә ејни дәст-хәтлә өлдүрүлүб. Онун һәмкары, профессор Феридун Диванаббаси исә јараланыб. Сағаландан сонра ону Иранын Атом Енержиси Тәшкилатынын рәһбәри тәјин едибләр.
Диггәт: Хәбәрдән истифадә етдикдә мәнбәјә истинад лазымдыр
