Әһли Бејт -АБНА- хәбәр аҝентлијинин вердији хәбәрә әсасән: Ишғалшы Исраил режимин тәһлүкәсизлик шурасы бәзи Авропа өлкәләриндә ҝүја “Һизбуллаһ” тәрәфиндән јәһудиләрә гаршы террор актларынын һазырландығы барәдә хәбәрдарлыг едиб. Исраил кәшфијјаты билдирир ки, Теһран нүвә мәсәләсинә ҝөрә она едилән ҝүҹлү тәзјигләрә ҹаваб олараг “Гүдс” бригадасы вә “Һизбуллаһ” васитәсилә хариҹи өлкәләрдә Исраил режимин марагларына гаршы “террор” әмәлијјатлары һәјата кечирә биләр.
Тәһлүкәсизлик Шурасынын табечилијиндә олан МАЛАЛ антитеррор гәрарҝаһы постсовет өлкәләриндән јалныз Азәрбајҹанын Исраил вәтәндашлары үчүн тәһлүкәли олдуғуну бәјан едиб. Бунун сәбәби Азәрбајҹанын Иран вә Түркијә илә гоншулугда јерләшмәси илә бағлыдыр.
Мәсәлә илә әлагәдар Исраилин Азәрбајҹандакы сәфирлијинә мүраҹиәт етдик. Тәәссүф ки, сәфирлијин мәтбуат катиби мәтбуатла ишләмәкдән чәкинир. ДИН-ин мәтбуат хидмәтинин рәис мүавини Еһсан Заһидовун сөзләринә ҝөрә, о Исраилин вәтәндашларына олан тәһлүкәсизлик хәбәрдарлығы барәдә илк дәфә “Јени Мүсават”дан ешидир: “Өлкәмиздә мөвҹуд олан иҹтимаи-сијаси сабитлик нараһатчылыға әсас јаратмыр. Нәинки пајтахтда, өлкәмизин истәнилән јериндә Исраил сәфирлији вә диҝәр хариҹи өлкәләрин дипломатик нүмајәндәликләри, стратежи објектләр, әһалинин ҝур олдуғу иҹтимаи јерләр истәр мүасир техноложи аваданлыглар, истәр ҹанлы гүввәләримиз тәрәфиндән етибарлы вә нүмунәви шәкилдә мүһафизә олунурлар”.
Хатырладаг ки, Исраилдәки мәнбәләрдән “Јени Мүсават”а дахил олан мәлумата ҝөрә, Тәл-Әвивин Бакыдакы сәфирлији һәр заман ҝүҹлү мүһафизә алтында олуб. Бундан әлавә, дипломатик нүмајәндәликдә һәрби кәшфијјат идарәсинин әмәкдашлары да периодик олараг Азәрбајҹана сәфәр едирләр. Һәмчинин Бакыда Исраил ХИН-ин Тәдгигатлар вә Сијаси Планлашдырма Мәркәзинин әмәкдашлары фәалијјәт ҝөстәрирләр.
ҺАМЛЕТ
Диггәт: Хәбәрдән истифадә етдикдә мәнбәјә истинад лазымдыр
