Әһли Бејт -АБНА- хәбәр аҝентлијинин вердији хәбәрә әсасән: Һөҹҹәтүл-ислам вәл-мүслимин Сејид Һәсән Амили Әрдәил шәһәриндә бу һәфтәки ҹүмә намазынын хүтбәләриндә деди: "Ислам рәвајәтләринә әсасән, елм топлумун гүдрәт вә сүлтаныдыр вә һәр кәс она јијәләнә билсә, бүтүн ишләрдә галиб олар. Бу саһилдән ҝери галанлар һәмишә һүҹума мәруз галыблар".
Амили аға, Иран Ислам Республикасынын нүвә алими Әли Мәһәммәдини террор едән шәхсин ачыгламаларына тәәссүф етдијини билдирәрәк вурғулады: "Бу шәхсин сионистләрин әли илә бизим гоншулуғумузда олан Азәрбајҹанда террор әмәлијјаты тәлими ҝөрмәси барәдә ачыгламалары, Ислам өлкәси олмасыны иддиа едән, лакин сионистләрә бир чох даирәләрә дахил олмаларыны иҹазә верән бир өлкә үчүн хәҹаләт вә рүсвајчылыгдыр".
Әрдәбилин ҹүмә хәтиби даһа сонра ачыглады: "Азәрбајҹан Республикасынын тәхрибатчы рәфтары гаршысында әбәди иззәтлә гоншулуг һаггыны горудуг. Амма онлар бизим өлкәмиз вә хејирхаһ гоншуларына гаршы өз шән вә иззәтләринә јарашмајан белә бир ојуна әл атдылар".
Сејид Һәсән Амили әзәмәтли Вилајәт 90 маневринә ишарә едәрәк деди: "Вилајәт 90 маневри чох ҝениш шәкилдә кечирилди вә бизим дилавәрләримиз бу маневрлә реҝионда чохлу һәрби маневрләр кечирән АБШ-а мөһкәм вә әзиҹи ҹаваб вердиләр, онларын бүтүн мәгсәдләринин пуч вә әбәс олмасыны бүтүн дүнјаја ҝөстәрдиләр".
Диггәт: Хәбәрдән истифадә етдикдә мәнбәјә истинад лазымдыр
