Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын һәрби рәһбәрлији АБШ-дан Фарс Көрфәзи реҝионуна бир даһа авиадашыјыҹы ҝөндәрмәмәји тәләб едиб.
“Реутерс”ә истинадән вердији мәлумата ҝөрә, Ислам ордусунун баш команданы, ҝенерал-мајор Атаолла Салеһи Иран Ислам Республикасынын бу хәбәрдарлығыны тәкрар етмәјәҹәјини билдириб: “Дүшмән авиадашыјыҹысы Һөрмүз боғазына бизим тәлимләрлә әлагәдар ҝәлмишди. Мән төвсијә вә исрар едирәм ки, Америка авиадашыјыҹысы бир даһа бу бөлҝәјә гајытмасын”.
А. Салеһи Вашингтона хәбәрдарлыг едиб ки, тәлимләр кечирилән зонаны тәрк едән авиадашыјыҹы ҝери гајыдарса Иран Ислам Республикасы ҹаваб тәдбирләри ҝөрәҹәк: “Биз бир дәфәдән артыг хәбәрдарлыг етмәјә өјрәшмәмишик”.
Хатырладаг ки, Иран Ислам Республикасынын Һәрби Дәниз Гүввәләринин “Вилајәт-90” адлы тәлимләри өтән ил декабрын 24-дә башлајыб вә 10 ҝүн давам етмәси нәзәрдә тутулуб. Тәлимләр Һөрмүз боғазындан Оман Көрфәзи гәдәр олан 2 мин километрлик бејнәлхалг сулары әһатә едир.
Диггәт: Хәбәрдән истифадә етдикдә мәнбәјә истинад лазымдыр
