Әһли Бејт -АБНА- хәбәр аҝентлијинин вердији хәбәрә әсасән: Вәкил Анар Гасымлы Сәбаил Рајон Мәһкәмәсинин 27 декабр гәрарындан апелјасија шикајәт вериб.
Вәкил билдириб ки, Абҝүл Сүлејмановун һәбсдә сахланмасы вә истинтагын бу вахта кими битмәмәси она гаршы јени “иттиһамлардан” хәбәр верир. Анар Гасымлы һәмчинин һүгугларыны мүдафиә етдији Абҝүл Сүлејманов вә Азәрбајҹан Ислам Партијасынын сәдр мүавини Ариф Гәнијевлә бағлы шикајәтләри топлајыб Авропа Конвенсијасынын 5-ҹи (Азадлыг вә тохунузлмазлыг һүгугу) вә 6-ҹы (Әдаләтли мәһкәмә арашдырмасы һүгугу) маддәләри үзрә Авропа Инсан Һүгуглары Мәһкәмәсинә шикајәт јоллајаҹағыны билдирди.
“АИП үзвләри вә руһаниләрин мәһкәмәсиндән сонра Азәрбајҹан мәһкәмәләриндә әдаләт ахтармаг јерсиздир. Одур ки, биз һаггы Авропа мәһкәмәсиндә тапаҹағымыза инанырыг. Амма бунунла белә дүшүнүрәм ки, бу гәдәр һагсызлығын бир сону олаҹаг”- вәкил белә дејиб.
Хатырладаг ки, декабрын 27-дә кечирилән мәһкәмәдә Һаҹы Абҝүл Сүлејмановун һәбс мүддәти даһа 3 ај узадылыб. Буна сәбәб кими Вәкилин Абҝүл Сүлејмановун шаһид гисминдә ифадә вермәсини ҝөстәриб. Абҝүл Сүлејманов “Исламазери.аз” сајтынын баш редактор Рамин Бајрамовун иши үзрә, Рамин Бајрамов да Абҝүл Сүлејмановун иши үзрә шаһид гисминдә диндирилмәлидир.
Гејд едәк ки, 2011-ҹи илин август ајында һәбс олунан руһани Абҝүл Сүлејманова 234.4.3-ҹү маддә илә (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) ШӘРЛӘНӘРӘК иттиһам едилиб. О, Ҹинајәт Мәҹәлләсинин 228.1-ҹи маддәси илә дә (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) ШӘРЛӘНӘРӘК ҝүнаһландырылыр.
Диггәт: Хәбәрдән истифадә етдикдә мәнбәјә истинад лазымдыр
