Әһли Бејт -АБНА- хәбәр аҝентлијинин вердији хәбәрә әсасән: Дини гадағалары Милли Мәҹлисдә “гануниләшдирәндән” сонра онун иҹрасы башлајыб.Артыг евләрдә, офисләрдә "гануни ов" мөвсүмүнә старт верилиб. Сумгајытда евләрдән дини әдәбијјат јығылыр. Әҝәр һансыса китабда Дини гурумларла иш үзрә дөвләт комитәсинин рәсми иҹазә нөмрәси јохдурса һәмин китаблар мүсадирә олунмагла јанашы шәхсләр дә ҹәримә олунур.Бундан башга әҝәр һансыса објектдә дини мәрасим кечириләрсә һәмин јерин саһиби ҹәримәләнә, һәтта һәбс едилә биләр. Бунунла бағлы Сумгајытда хүсуси тапшырыглар верилиб. Һәр әрази үзрә “мәсул шәхс” “гануни ову” һәјата кечирир.Гејд едәк ки, Инзибати Хәталар Мәҹәлләсинин 300-ҹү маддәсинә едилмиш дәјишикликлә дини етигад һаггында ганунвериҹилијин позулмасы һесаб олунан фәалијјәтләр мүәјјәнләшдирилиб. Јенилијә ҝөрә, мүвафиг иҹра һакимијјәти органы илә разылашдырылмадан вәтәндашларын дини тәһсил мүәссисәләриндә тәһсил алмаг үчүн хариҹә ҝөндәрилмәси, дин хадимләринин мүбадиләси, ислам дининә аид ајин вә мәрасимләрин Азәрбајҹандан кәнарда дини тәһсил алмыш вәтәндашлар тәрәфиндән һәјата кечирилмәси, ганунла мүәјјән олунмуш гајдада сатышына иҹазә верилән дини тәјинатлы әдәбијјатын, әшјаларын вә дини мәзмунлу башга мәлумат материалларынын мүвафиг иҹра һакимијјәти органынын разылығы илә јарадылан ихтисаслашдырылмыш сатыш мәнтәгәләриндән кәнарда сатылмасы, әҹнәбиләр вә вәтәндашлығы олмајан шәхсләр тәрәфиндән дини тәблиғатын апарылмасы дини ганунвериҹилијин позулмасы һесаб олунаҹаг.Әҹнәбиләр вә вәтәндашлығы олмајан шәхсләр тәрәфиндән дини тәблиғатын апарылмасы ганунсуз олараг дини тәјинатлы әдәбијјаты, әшјалары вә дини мәзмунлу башга мәлумат материалларыны јајмагла (сатылмагла) төрәдилдикдә Ҹинајәт Мәҹәлләсинин мүвафиг маддәсинә әсасән ҹинајәт мәсулијјәтинә сәбәб олур.Ҹинајәт Мәҹәлләсинә нәзәрдә тутулан јениликләрә ҝөрә, дини ајинләри иҹра етмәјә мане олмаға ҝөрә ҹәримәләрин максимал һәдди 2000 манатадәк, динә етигада мәҹбур етмәјә вә дини ајинләрин иҹрасы ады алтында вәтәндашларын һүгугларына гәсд етмәјә ҝөрә ҹәримәләрин максимал һәдди 9000 мин манатадәк артырылыр. Бу әмәлләрә ҝөрә 5 иләдәк мүддәтә азадлыгдан мәһруметмә дә нәзәрдә тутулур. Диггәт: Хәбәрдән истифадә етдикдә мәнбәјә истинад лазымдыр
23 dekabr 2011 - 20:30
Xəbər kodu: 286093
Бундан башга әҝәр һансыса објектдә дини мәрасим кечириләрсә һәмин јерин саһиби ҹәримәләнә, һәтта һәбс едилә биләр. Бунунла бағлы Сумгајытда хүсуси тапшырыглар верилиб.
