Әһли Бејт -АБНА- хәбәр аҝентлијинин вердији хәбәрә әсасән: Чиндә Инин Синсзјан-Ујғур шәһәринин һакимијјәти бурада јашајан мүсәлманларын ҝејиминә мүәјјән гадағалар тәтбиг етмәјә башлајыб. Јени тәләбләрә әсасән, милли азлыгларын нүмајәндәләринә “чадра тахмаг, әрәб ҝејими ҝејинмәк, саггал сахламаг” гадаған олунур.
Бу ҹүр мәлумат шәһәр администрасијасынын сајтында пејда олуб. Хәбәр Интернет васитәсилә ҝениш иҹтимаијјәтә јајыландан сонра јерли сакинләр арасында бөјүк наразылыг јараныб.
Чин һөкумәти бу гәрарын сәбәбини ачыгламајыб. Мәхсуси олараг бу кампанија чәрчивәсиндә јарадылан ишчи груплар милли азлыгларын јашадығы рајонларда ситуасијаны гијмәтләндирмәклә мәшғулдурлар. Онлар ҝејим мағазаларыны, тикиш фабрикләрини ҝәзир, Ислама ујғун палтарлары јығышдырмағы тапшырырлар.
Јерли “Стабиллији дәстәк мәркәзи” “тәрбијәләндирмәк синфи” тәшкил етмәк нијјәтиндәдир. Бура ајры-ајры вәтәндашлар салынаҹаг. Лап тәрслик едәнләри исә иҹтимаи тәһлүкәсизлик органларына апараҹаглар.
Чинли интернет истифадәчиләри исә һөкумәти милли азлыглары мәһв етмәкдә, онларын мәдәнијјәти, адәт-әнәнәләрини тапдамагда, милләтләрарасы мүнагишәни гызышдырмагда иттиһам едир.
Диггәт: Хәбәрдән истифадә етдикдә мәнбәјә истинад лазымдыр
