Әһли Бејт -АБНА- хәбәр аҝентлијинин вердији хәбәрә әсасән: Бир мүддәт әввәл јарадылмыш “Ислам Мәтбуаты Иттифагы” Исламазери.аз-ын һәбсдә олан баш редактору Рамин Бајрамову мүдафиә едәҹәк. Мәлуматы "Ҹресҹент" журналы јајыб.
Белә ки, тәшкилат тәрәфиндән ачыгланан бәјанатда билдирилир ки, Азәрбајҹанда www.исламазери.аз интернет гәзетинин баш редактору Рамин Бајрамова гаршы олан әсассыз иттиһамлар арадан галдырылмалыдыр. Ислам Мәтбуаты Иттифагы мүасир глобал проблемләрдә Ислам перспективини тәгдим едән журналистләрин һүгугларыны мүдафиә етмәк үчүн һәрәкәтә рәһбәрлик едәҹәк. Ислам Мәтбуаты Иттифагы мүсәлман журналистләринә көмәк етмәк үчүн глобал аудиторијаја бу барәдә хәбәрләр өтүрүр вә бүтүн дүнјаны бу һагсызлыға гаршы чыхмаға сәсләјир.
Бәјанатда о да билдирилир ки, журналистләр пешә фәалијјәтинә ҝөрә тәгиб олунмамалы вә һәбс едилән Рамин Бајрамов азад олунмалыдыр. “Бејнәлхалг конвенсијалара гошулан бир өлкә кими Азәрбајҹан мәтбуат азадлығына һөрмәтлә јанашмалы вә бу ҹүр һәбсләрә вә тәгибләрә сон гојмалыдыр. Биз Ислам Мәтбуаты Иттифагы олараг бу аддымлары писләјир вә һәбс олунан баш редактора азадлыг тәләб едирик. ”
Гејд едәк ки, октјабр ајында јаранан тәшкилат бүтүн дүнјада мүсәлман журналистләрин әлагәләринин ҝенишләнмәси вә бејнәлхалг аренаја чыхмасына јардым етмәји өз үзәринә вәзифә олараг ҝөтүрүб. Ејни заманда һүгуглары позулмуш журналистләрин мүдафиәси дә тәшкилатын әсас принсипләриндәндир.
Диггәт: Хәбәрдән истифадә етдикдә мәнбәјә истинад лазымдыр
