Әһли Бејт -АБНА- хәбәр аҝентлијинин вердији хәбәрә әсасән:Русија Иранда еһтимал олунан мүһарибәјә һазырлашыр. Белә ки, Кремл һәрби гајнаглардан Исраилин АБШ-ын дәстәји илә Иранын нүвә објектләринә һүҹум едәҹәји барәдә мәлумат әлдә едиб.
Әҝәр Иранда һәгигәтән дә мүһарибә башлајарса бу, Русија үчүн фаҹиә илә нәтиҹәләнәҹәк. Ән азы она ҝөрә ки, РФ Загафгазијада өзүнүн әсас истеһкамыны – Ермәнистандакы 102-ҹи һәрби базасыны итирәҹәк. Әлбәттә, Кремл бунун баш вермәмәси үчүн әлиндән ҝәләни едәҹәк.
Гејд едәк ки, Русија һәлә бир ил әввәлдән Теһрана гаршы һәрби мүдахиләләрдә иткиләри минималлашдырмаг үчүн мүәјјән тәдбирләр һәјата кечириб вә инди дә һазырлыглар битмәк үзрәдир.
Ермәнистан базасы бүтүнлүклә оптималлашдырылыб, һәрбчиләрин аиләләри өлкәдән чыхарылыб, Ирәванын јахынлығында јерләшән Русија гарнизону мәһдудлашдырылыб, һәрби һиссәләр исә Түркијә илә сәрһәддин јахынлығындакы Ҝүмрүјә көчүрүлүб. Мәһз Түркијә әразисиндән АБШ Иранын објектләринә һүҹум едә биләр.
Декабрын 1-дән Русијанын Ҹәнуби Осетијада вә Абхазијада һәрби базалары там дөјүш һазырлығына ҝәтириб.
Дағыстанын Азәрбајҹанла сәрһәдди јахынлығында хүсуси саһил ракет дивизијасы - фәалијјәт узаглығын 130 км тәшкил едән «Бал-Е» ҝәми әлејһинә саһил ракет комплекси дөјүш һазырлығына ҝәтирилиб.
Маһачгала вә Астарханда ваһид ҝәми групларынын јарадылмасы үчүн Хәзәр флотунун бүтүн ракет катерләрин дислокасијасы дәјишиб. Бундан әлавә, Флотун флагманына «Татарстан» ҝөзәтчи ракет ҝәмисинә «Волгодонск» кичик артиллерија ҝәмиси вә «Дағыстан» ракет ҝәмиси гошулуб.
Бундан әлавә, бир нечә мүддәт әввәл Аралыг дәнизинә Русијанын Шимал флотунун авиадајыҹы групу чыхмышды. Онун тәркибинә ағыр авиадашыјыҹы «Адмирал Кузнетсов», бөјүк гајыгәлејһинә ҝәми «Адмирал Чабаненко» дахилдир. Онлар Русијанын дајаг флоту олан Суријанын Тартус лимамына ҝирәҹәкләр. Русијанын вә Суријанын һәрби нүмајәндәләри бу аддымы атмагда мәгсәдин садәҹә групун еһтијат вә јанаҹагла тәмин олунмасында ҝөстәрсәләр дә, експертләрин фикринҹә, флот Суријада Гәрб дөвләтләринин мүнагишә јаратмасынын гаршысыны алмаг үчүн истифадә олунаҹаг.
РУСИЈА АЗӘРБАЈҸАНДАН НАРАҺАТДЫР
Иранда баш верә биләҹәк имүһарибә илә әлагәдар РФ Мүдаифә Назирлији Азәрбајҹандан нараһатдыр. Белә ки, Азәрбајҹан сон үч илдә һәрби бүдҹәсини ики дәфә артырыб, һәмчинин Исраилдән пилотсуз учуш апаратлары вә кәшфијјәт үчүн диҝәр инкишаф етмиш аваданлыглар алыр. Бундан әлавә, Бакы Гәбәлә РЛС-ин иҹарә һаггыны артырмаг тәләби илә Москваја тәзјиги ҝүҹләндириб.
Азәрбајҹанын ҹәнубда мүнагишәнин баш верәҹәји һалда неҹә давранаҹағы фикирләр мүхтәлифдир.
Һәрби Прогнозлар Мәркәзинин рәһбәри Анатолиј Чыганов һесаб едир ки, һәтта Иранла Азәрбајҹан арасында Хәзәрин ҹәнубундакы газ јатаглары барәдә мүбаһисәләри нәзәрә алсаг белә, Бакынын анти-иран һәрби кампанијасыны дәстәкләјәҹәјини ҝөзләмәк лазым дејил. Онун Ермәнистана гаршы һәрби әмәлијјатлар апармасы еһтималы да аздыр.
Анҹаг 1991-1993-ҹү илләрдә Бакы илә Ирәван арасында һәрби фәалијјәтләри анализ едән, инди исә президент Илһам Әлијевин апардығы һәрби ислаһатлары диггәтлә изләјән һәрби експерт полковник Владимир Попов билдириб ки, Азәрбајҹан Ермәнистанла әрази мүбаһисәсини өз хејринә һәлл етмәк үчүн јаранмыш фүрсәтдә јарарлана биләр: «Бу һалда Русија Ермәнистанын РӘМ-и илә бирликдә һүҹуму дәф етсә дә, Дағлыг Гарабағда һәрби әмәлијјатларда иштирак етмәјәҹәк». Бунунла белә, Попов Ермәнистан әразисиндә Русијанын иштиракы илә гуру әмәлијјатларыны мүмкүн һесаб едир.
Иран барәдә Русија рәсми һеч бир сөз демәсә дә, експертләр Москванын Теһрана азы һәрби-техники сәвијјәдә јардым едәҹәјинә әминдир.
Хатырладаг ки, Русија Ирана ҝүҹ тәтбиг едилмәсинин вә она гаршы санксијаларын верилмәсинин гәти әлејһинәдир. Москва Иранын нүвә проблеми илә јаранан сөһбәтләрин Теһранда һакимијјәт дәјишиклији үчүн бәһанә ола биләҹәјини билдириб.
Диггәт: Хәбәрдән истифадә етдикдә мәнбәјә истинад лазымдыр
