Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын ордусу өз мүдафиә һазырлығыны тәкмилләшдирмәк үчүн өлкәнин шәргиндә һәрби тәлимләр кечирир.
«Самен әл-Һоҹаҹ дөјүш ојунлары» адландырылан тәлимләр нојабрын 18-дә башлајыб вә өлкәнин шәргиндә 800 мин квадрат километр әразини әһатә едир.
Һәрби тәлимләрин биринҹи мәрһәләсиндә силаһлы гүввәләрин һавадан мүдафиә һәрби һиссәләри әввәлҹәдән мүәјјәнләшдирилмиш әразиләрдә јерләшдирилиб.
Һәрби тәлимләрдә Иран Ислам Республикасы силаһлы гүввәләринин дөјүш, кәшфијјат вә әмәлијјат дивизијалары илә јанашы, пассив мүдафиә һәрби һиссәләри дә иштирак едир.
Тәлимләрин илкин мәрһәләси һәрби һиссәләрин биринҹи вә икинҹи дәрәҹәли команда мәркәзләри вә пассив мүдафиә принсипләринә истинад едәрәк, тактик вә чевик реаксија дивизијалары јаратмаг габилијјәти гимәтләндирилир.
Хатәм әл-Әнбијә һавадан мүдафиә базасы тәрәфиндән идарә едилән тәлимләрдә һәмчинин һәрби гүввәләрин оперативлији вә һазырлыг дәрәҹәси јохланаҹаг, онларын малик олдуғу тәҹһизатын әмәлијјат имканлары тәкмилләшдириләҹәк.
Иран Ислам Республикасы дәфәләрлә һәрби тәлимләринин башга өлкәләр үчүн тәһлүкә төрәтмәдијини, өз мүдафиә доктринасынын өзүнүмүдафиәјә әсасландығыны бәјан едиб.
Диггәт: Хәбәрдән истифадә етдикдә мәнбәјә истинад лазымдыр
