Әһли Бејт -АБНА- хәбәр аҝентлијинин вердији хәбәрә әсасән: АБШ-да сијаси фәаллар вә нүмајишчиләр бәјанат гәбул едәрәк, АБШ вә сионист режиминин Ирана һәрби мүдахилә һәдә-горхусуну дајандырмаға чағырыблар.ириб.ир
“Мүһарибә бир сахтакарлыгдыр” китабынын мүәллифи танынмыш аналитик Девид Суонсон мәтбуат нүмајәндәләри илә сөһбәтиндә билдириб ки, бејнәлхалг сијаси фәал инсанларла бирҝә АБШ-ын вә сионист режиминин Ирана һәрби мүдахилә һәдә горхуларына гаршы бир сәнәд имзаланыб. Сәнәддә Исраил режиминә вә АБШ-а һәдә-горхулары дајандырмаг чағырышлар едилиб.
“Биз АБШ вә сионист һәрбичиләринин бу сәһв аддымлары атаҹагларындан чох ниҝараныг. Белә бир аддымын атылмасы дүнјада күтләви инсан гырғынына, Иран вә гоншу өлкләләрин әтраф мүһитинин радиоактив зәһәрли маддәләрлә чиркләнмәсинә сәбәб ола биләр. Бу аддым дүнјанын дүзәнини поза биләр”, - дејә Суонсон әлавә етмишдир.
Имзаланан сәнәд, АБШ вә Исраил режиминин Ирана һәрби мүдахиләсини мәнәвијјат, виҹдан вә әхлаг нормаларынын, һәмчинин дахили вә бејнәлхалг ганунларын, инсанлыг ганунунун позулмасы кими гијмәтләндирилмәсини өзүндә еһтива едир.
Диггәт: Хәбәрдән истифадә етдикдә мәнбәјә истинад лазымдыр
