Әһли Бејт -АБНА- хәбәр аҝентлијинин вердији хәбәрә әсасән: Өзүнү демократијанын анасы адландыран Франсада Мәсҹидә гадаға гојулду. Белә ки, Франсанын ҹәнубундакы Марсел шәһәриндә инша едилән Ҹүмә Мәсҹидинин тикинтиси гадаған едилиб. Франса рәсмиләринин гејри демократик лајиһәләринә ганун дону ҝејиндирмәкдән өтрү јерли шәһәр инзибати мәһкәмәсинин гәрар вериб. Гәрара әсасән, ҝүја Мәсҹидин тикинтиси шәһәрсалма тәләбләринә ујғун дејил.
Марсел Ҹүмә мәсҹидинин лајиһәси 18 ај бундан әввәл тәсдигләнмишди. Бу лајиһәнин тәсдигләнмәсини “Франсада јүксәлмәкдә олан Исламын символу” адландырырдылар. 2009-ҹу илдә тикинти башласа да, јерли сионист тәфәккүрлү вә милләтчи, гаты христиан сакинләрин мәһкәмәјә мүраҹиәтинә ҝөрә инша просеси дајандырылмышды.
22 милјон авро дәјәриндә олан бу лајиһә чәрчивәсиндә Ҹүмә мәсҹиди үчүн 25 метрлик минарә тикиләҹәји планлашдырылмышды. Бурада ејни заманда 7 мин мүсәлман ибадәт едә биләҹәкди. Мәсҹид әразисиндә һәм дә Гуран мәктәби, китабхана, чајхана вә ресторан фәалијјәт ҝөстәрәҹәкди.
Франсанын икинҹи бөјүк шәһәри олан Марселдә 250 мин мүсәлман јашајыр. Онлар фәрди евләрдә, зирзәмиләрдә јығышыб намаз гылырлар. Буна ҝөрә дә јерли мүсәлманлар Ҹүмә мәсҹидинин лајиһәсинин тәсдигләнмәсини “Франсанын Ислама символу” кими дәјәрләндирмишдиләр.
Лајиһәнин мемары Максим Репаух мәһкәмә гәрарыны тәәҹҹүблә гаршылајыб.
“Гәрибәдир, биз она ҝөрә мәсҹид тикирдик ки, инсанларын күчәләрдә, гаражларда намаз гылмасына сон гојаг. Мәһкәмә исә дејир ки, дајанаҹагда јер олмајаҹаг!...”
Гејд едәк ки, Франсада Ислам атыг өлкәнин икинҹи дини сәвијјәсинә гәдәр ҝәлиб чатыб. Мәһз бу өлкәдә илк дәфә олараг чадрада ҝәзмәк гадаған едилиб.
Диггәт: Хәбәрдән истифадә етдикдә мәнбәјә истинад лазымдыр
