Әһли Бејт -АБНА- хәбәр аҝентлијинин вердији хәбәрә әсасән: Нојабрын 4-дә Дини Гурумларла Иш үзрә Дөвләт Комитәсинин сәдри Һидајәт Оруҹов түркијәли дөвләт нүмајәндәләри илә ҝөрүшүндә билдириб ки, Азәрбајҹанда дини етигад азадлығы позулмајыб вә диндарлара һеч бир тәзјиг едилмир.
Һидајәт Оруҹов һиҹабын гадаған олунмасы мәсәләсини дә тәкзиб едиб: "Азәрбајҹанда һиҹабын гадаған олундуғу иддиа едилир. Бирмәналы шәкилдә билдирирәм ки, өлкәмиздә һиҹаб гадаған олунмајыб. Бүтүн дүнјәви дөвләтләрдә, о ҹүмләдән Түркијәдә олдуғу кими Азәрбајҹанын орта үмумтәһсил мәктәбләриндә дә ганунвериҹилијә ујғун олараг ваһид мәктәбли формасы тәтбиг едилир. Буну исә етигад азадлығынын позулмасы кими гәләмә вермәк абсурддур".
Мәсәләјә мүнасибәт билдирән Ислам Арашдырмалары Мәркәзинин рәһбәри, илаһијјатчы алим Илһам Әлијев “Фактхебер.ҹом”а ачыгламасында дејиб: "Азәрбајҹанда диндарлара тәзјиг олунур. Бу ҝүн бизим онларла диндар гардашымыз һагсыз олараг атылан бөһтанларла иттиһам олунур. Онлардан бәзиләри үчүн ағыр һөкм дә охунуб. Мәсәлән, Һаҹы Мөвсүм Сәмәдов, Фәрамиз Аббасов вә диҝәр гардашларымыз һазырда һагсыз јерә зиндадырлар. Бәзи диндарлар барәдә исә ҹинајәт иши ачылыб вә истинтаглары һәлә дә давам едир. Әҝәр һәгигәтән дә диндарлара тәзјиг јохдурса, онда бу кими һаллар неҹә гијмәтләндирилмәлидир? Дөвләт буна нә ад гојур?"
Һаҹы Илһам Азәрбајҹанда һиҹаб гадағасынын мүхтәлиф бәһанәләрлә, о ҹүмләдән ваһид мәктәбли формасы ады илә һәјата кечирилдијини дә билдириб: "Әҝәр Азәрбајҹанда һиҹаб гадағасы јохдурса, онда нијә бизим гыз өвладларымыз тәһсилдән узаг дүшүбләр? Мәктәбләрә ушаглары һиҹабла бурахмырлар. Бу садаладыгларым һамысы Һидајәт Оруҹовун дедикләринин јанлыш олдуғуну сүбут едир. Факт будур ки, Азәрбајҹанда мүхтәлиф адларла, о ҹүмләдән ваһид мәктәбли формасы ады алтында һиҹаб гадаған олунур".
Диггәт: Хәбәрдән истифадә етдикдә мәнбәјә истинад лазымдыр
