Әһли Бејт -АБНА- хәбәр аҝентлијинин вердији хәбәрә әсасән: Бу ҝүн бир груп вәтәндашлар исламчыларын вә диҝәр виҹдан мәһбусларынын азадлыға бурахылмасы тәләби илә Әдлијјә Назирлијинин гаршысында динҹ аксија кечирибләр.
Аксија иштиракчылары һәбс олунан исламчыларын, диндарларын вә диҝәр виҹдан мәһбусларынын тезликлә азадлыға бурахылмасыны, мәһкәмәләрин онлар һаггында әдаләтли һөкм чыхармалрыны тәләб едибләр. Динҹ аксија иштиракчылары мүхтәлиф шүарлар сәсләндирибләр:
“Вәтәндашларын әдаләтли мәһкәмәләрә вә һакимләрә гаршы итирилмиш инамыны бәрпа етмәк үчүн әдлијјә органларында тәҹили вә дәрин ислаһатлар апарылмалыдыр. Һүгуги дөвләтин әсасыны тәшкил едән ганунун алилији тәмин олунмалыдыр. Өлкәмиздә шаһ ганун дејил, ганун шаһ олмалыдыр”.
Xaтырладаг ки, аксија заманы тәгрибән 240 нәфәр сахланылараг полис бөлмәләринә апарылыблар. Аксија иштиракчыларынын полисләрлә һеч бир конфликтә ҝетмәдән полис машинлрына минмәләри дејилир.
Гејд едәк ки, тутуланлар арасында Ислам Партијасы сәдринин Ы-ҹи мүавини Ингилаб Әһәдов да вар. О, 26-ҹы полис бөлмәсинә апарылыб. И.Әһәдов шәкәр хәстәлијиндән әзијјәт чәкир.
Диггәт: Хәбәрдән истифадә етдикдә мәнбәјә истинад лазымдыр
