Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Ағыр Ҹинајәтләрә Даир Ишләр Үзрә Мәһкәмәдә Азәрбајҹан Ислам Партијасынын сәдри Мөвсүм Сәмәдовун, партијанын сәдр мүавини Вагиф Абдуллајевин, Астара рајон тәшкилатынын сәдри Руфулла Ахундзадәнин, Мөвсүм Сәмәдовун гајыны Фирдовси Мәммәдрзајевин, гоһуму Дәјанәт Сәмәдовун, Масаллы руһаниси Фәрамиз Аббасов вә илаһијјатчы алим Зүлфүгар Микајылзадәнин ҹинајәт иши үзрә нөвбәти мәһкәмә иҹласы шаһид ифадәләријлә давам етдирилиб.
Шаһид гисминдә Елнур Худавердијев дәвәт олунду. О, тәгсирләндирилән шәхсләрдән Мөвсүм Сәмәдову, Вагиф Абдуллајеви, Руфулла Ахундову вә Фәрамиз Аббасову таныдығыны билдирди.
Шаһид кими сәрбәст ифадә верәркән иттиһам олунан шәхсләрин һамысыны дүзҝүн, әхлаглы, Ислама, Вәтәнә садиг, әдаләтли бир инсан кими таныдығыны билдирди: «Һаҹы Мөвсүмлә партијада таныш олмушам. Онун чох әхлаглы, мәнәвијјатлы бир инсан олдуғуну ҝөрдүм. О да мәни партијаја дәвәт еләјәндә билдирди ки, бизим ишимиз Ислами маарифләндирмәди. Гураны, онун бујурдуғу кими әмр бе мәруф вә нәһј әз мүнкәрә ујғун давранмагдыр. Онлар һаггында дејилән иттиһамлара ҝәлдикдә исә адиҹә мәнтиги мәсәләдир ки, азаҹыг дәстә илә силаһсыз, маддијатсыз дөвләт чеврилиши олмаз. Бүтүн бу сөһбәтләрлә онлар һагсызлыға гаршы өз вәзифәләрини јеринә јетирибләр. Бу да динин ваҹибатларындандыр. Вагиф Абдуллајевлә әввәл танышлығымыз вар. Ону ҝөзәл бир инсан кими таныјырам. Һаҹы Фәрәмәз Азәрбајҹанын ән нүфузлу руһаниләриндәндир. Бу мөмин инсан һаггында олан иттиһама һеч ким инанмыр».
Бу јердә прокурор етираз едәрәк билдирир ки, шаһидин ифадәси ишин маһијјәти илә ујғун дејил.
Руфулла Ахундов: Бәс кечән дәфә ҝәлән шаһид дејәндә ки, Руфулллаја нифрәт едирәм нијә етираз етмәдиниз? Гојун данышсын да. Онда һеч демирдин ишин маһијјәтинә аид дејил?
Һаким Елнур Худавердијевә ифадәсини давам етдирмәсини дејир.
Е.Худавердијев: Бу иттиһамлара ҝәлдикдә , мән Фәрамизлә һәмишә бир јердә олмушам. Ондан һеч бир шеј ешитмәмишәм. Шәһид мәҹлисләриндә, башга дөвләт тәдбирләриндә инсанлары һәр заман Вәтәнә мәһәббәтә чағырыб. Чүнки әзиз пејғәмбәримиз бујуруб ки, Вәтәни севмәк имандандыр. Фәлијјәтимиз дә бу јөндә олуб.
Дөвдләт иттиһамчысы: Нијә партијанын Масаллы рајон комитәсинин сәдирлијиндән чыхдыныз?
Е.Худавердијев: Комитә сәдрлији чох бөјүк мәсулијјәтдир. Мән дә шәхси мәсәләләримә ҝөрә сәдрликдән имтина етдим. Бу һагда Меһди мүәллимә дә әризәми вермишәм.
Д.И.: Меһди мүәллимә нијә вермисиз? Партијанын сәдри мәҝәр одур?
Е.Х.: Үнваны белә ҝөстәрдиләр. Ондан габаг да чыхмаг истәјирдим. Вә Һаҹы Мөвсүмлә бу барәдә дәфәләрлә сөһбәтимиз олмушду. Лакин шәраит белә ҝәтирди.
Д.И.: Әризәнин мәзмуну неҹә иди?
Е.Х.: Мән хәстәлјим илә әлагәдар олараг хариҹә ҝетмәлијдим. Лакин гојмадылар. Билдирдиләр ки, әризә јазмалыјам. Мән дә јаздым.
Д.И.: Барәниздә гәти-имкан тәдбири јох идисә, нијә хариҹә ҝетмәјә гојмурдулар?
Анар Гасымлы мүдахилә едир: Бизим әлимиздә мәлумат вар ки, һәмин әрәфәдә истинтаг ҝетдијинә ҝөрә 30 нәфәрдән чох инсаны хариҹә ҝетмәјә гадаған етмишдиләр.
Д.И.: Јанварын 2-дә иҹласда олмусунуз?
Е.Х.: Бәли.
Д.И.: Ким дәвәт еләмишди?
Е.Х.: Вагиф Абдуллајев.
Немәт Һејдәров: Үмумијјәтлә нечә дәфә иҹласда олмусунуз?
Е.Х.: Бир-ики дәфә.
Н.Һ.: Һәмишә Һаҹы Вагиф чағырыб?
Е.Х.: Бәли. Онун вәзифәси о иди.
Н.Һ.: Нә илә чағырырды?
Е.Х.: Телефонла.
Н.Һ.: Һәмин чағырышларда сизә гануннсуз нәсә дејиб, ја тапшырыбмы?
Е.Х.: Садәҹә иҹласларын тәјин олундуғу вахты дејирди. Биз дә демишик ки, имкан олса ҝәләрик.
Н.Һ.: Вагиф мүәллим дә иҹласда иштирак едибми?
Е.Х.: Садәҹә ҝәлән гонаглары саламлајыб. Онда башга чыхышыны мән ешитмәмишәм.
Н.Һ.: Башгаларындан онун силаһ-сурсат ҝизләтмәси, террора чвағырыш вә ја нәсә бунун кими ганунсуз чағырышлар етдијини ешидибсән?
Е.Х.: Нә өзүм ешитмишәм, нә дә башгаларындан. Һеч вахт да инанмарам.
Һәбиб Әлијев: Сизи ҝөмрүкдә сахламағы бир аз әтрафлы данышын.
Е.Х.: Астарадан ҝетмәк истәјәркән сахладылар. Сонра Астара полис шөбәсинә ҝәтирдиләр. Дедиләр ки, сабаһ Бакыда олмалысан.
Һ.Ә.: Дин хадими кими сиздән сорушурам. Һәр һансы бир шәхсин мәсҹидин минбәриндә чыхмаға ихтијары вар?
Дөвләт Иттиһамчысы: Бир шәхс ки, хариҹи дининдән үстүн тутур, ондан нә сорушарлар?
Руфулла Ахундов (дөвләт иттиһамчысына): Сәнин виҹданын ләкәлидир. Сән шаһидә тәзјиг едирсән.
Һаким (Е.Худавердијевә): Суала ҹаваб вер.
Е.Х.: Ислам бахымындан анҹаг руһани олан шәхс чыхыш едә биләр.
Һәбиб Әлијев: Ади бир шәхс орда чыхыш едә биләрми?
Е.Х.: Хејр. Һаггы јохдур.
Анар Гасымлы: Бурда отуранлардан һансыса барәдә силаһ-сурсат сахлама, террор етмә, јәһудиләрә гаршы нәсә етмә барәдә бир шеј ешитмисән?
Е.Х.: Бу дејиләнләр динимизә зиддир вә һарамдыр. Һеч бир диндар, мөмин, о ҹүмләдән тәгсирләндирилән шәхсләр белә аддым атмаз.
Һаким Елдар Исмајылов: Сиз дединиз ки, Сәмәдовла сөһбәт едәндә сијаси фәалијјәтин олмајаҹағыны билдириб. Низамнамә илә танышсан.
Е.Х.: Бәли. Өзүм охумушам.
Һаким Елдар Исмајылов (Мөвсүм Сәмәдова үзүнү тутур): Сизи демисиниз ки, сијаси фәалијјәтимиз олмајаҹаг?
Мөвсүм Сәмәдов: Ајдын мәсәләдир ки, сијаси партитјанын фәалијјәти елә сијаси олмалыдыр. Билирсиниз, Ислам Партијасына һәмишә пис нисбәт верибләр. Биз демишик ки, фәалијјәтимиз Конститусијанын гојдуғу ганунлардан кәнара чыхмајаҹаг. Бу бизим конститусјон һаггымыздыр ки, халг истәсә һакимијјәтдә тәмсил олуна биләрик.
Һаким Е.Исмајылов (Е.Худавердијевә): Партијанын комитә сәдрлијиндән ҝетмә сәбәбиниз нә олуб?
Е.Х.: Үзвлүкдән чыхмагла сәдрликдән чыхмаг арасында фәргләр вар. Мән үзвлүкдән чыхмамышам. Сәдрлијин мәсулијјәтини шәхси сәбәбләрдән галдыра билмәдијим үчүн истефа вермишәм.
Мөвсүм Сәмәдов: Бизим Елнур гардашымыздла бундан өнҹә бир-ики дәфә бу мөвзуда сөһлбәтләримиз олуб. О ҝетмәк истәдијини билдириб. Дејиб ки, ајры вәзифәләрини јеринә јетирә билмир. Биз дә мүнаситбә шәраити ҝөзләјирдик. Белә алынды.
Һаким Е.Исмајылов: М.Сәмәдовун чыхышына гулаг асмысыныз?
Е.Х.: Чыхыш маһијјәтити әсасән дөвләтимиздә баш верән бәзи негатив һаллар, о ҹүмләдән мәсҹидләрин бағланмасы, ушагларымызын һиҹаба ҝөрә мәктәбә бурахылмамасы вә саитр иди. Дејиб ки, биз бунунла бағлы дәфәләрлә мүраҹиәт етсәк дә бахан олмајыб. Мәҝәр биз бу өлкәнин вәтәндашы дејилик?
Һаким: Бәс әҝәр јенә мүраҹиәтләрә бахылмаса иди, демишди ки, нә кими тәдбирләр ҝөрәрик?
Е.Х.: Елә бу ҹүр дә етиразларымызын давам едәҹәјини билдириб.
Һаким: Дејирсиниз ки, әввәлдән дә ики-үч дәфә иҹласларда иштирак етмисиниз. Јол хәрҹләрини ким өдәјирди?
Е.Х.: Јерләрдә партија үчүн олан ианәләр бизә верилирди. Биз дә мәркәзә чатдырырдыг. Бу сәбәбдән дә һәрдән јол пулумузу елә ордан өдәјирдиләр.
Сонра шаһид гисминдә Камран Гәдиров дәвәт олунду. О, АИП-ин үзвү олмадығыны, иҹласда да иштирак етмәдијини билдирди. Һәмчинин тәгсирләндирилән шәхсләрдән һеч вахт, һеч јердә дөвләт әлејһинә бир шеј ешитмәдијини деди. Мөвсүм Сәмәдовун чыхышы илә исә интернетдә таныш олдуғуну нәзәримизә чатдырды.
Камран Гәдировдан сонра шаһид кими ифадә вермәк үчүн Елхан Мусајев дәвәт олунду. О, тәгсирләндирилән шәхсләрдән Мөвсүм Сәмәдову, Вагиф Абдуллајеви вә Руфулла Ахундову таныдығыны деди. Истинтага вердији ифадә илә бағлы суалларда сәнәди өзүнүн охумадығыны, садәҹә имзаладығыны деди.
Һаким Е.Исмајылов: Нечәнҹи илдән партијанын үзвүсүз?
Е.Мусајев: 2003-ҹү илдән.
Һаким: Рајон комитә сәдрлијинә неҹә сечилибсиз?
Е.М.: Конфранс кечирилиб. Сәсвермә јолу илә сечилмишәм. Бу барәдә сәнәдләрдә дә гејд олунуб.
Һаким шаһидин илкин истинтаг заманы вердији ифадәни охуду. Е.Мусајев ифадәнин мәтни илә разылашмадығыны билдирди. Вә бир даһа хатырлатды ки, мәтни охумајыб, садәҹә имзалајыб.
Даһа сонра Шәнлик Ахундов шаһид гисминдә дәвәт олунду. О тәгсирләндирилән шәхсләрдән Фәрамиз Аббасову таныдығыны, Мөвсүм Сәмәдову вә Зүлфүгар Микајылзадәни үздән таныдығыны билдирди. С.Мөвсүмлә телефон әлагәси олдуғуну деди. Онунла ҝөрүшмәк истәјирмиш. Лакин ики ҝүндән сонра тутулдуғуну ешидиб.
О да ифадәсини охумадан имзаладығыны билдирди.
Мәзаһир Шаһларов: Фәрамиз Аббасову нечә илди таныјырсыныз
Ш.А.: 2 илди
М.Ш.: Бахышларында нәсә бөир дәјишиклик, јахуд јәһудиләр барәдә, силаһ-сурсат барәдә нәсә дедијини ешитмисән?
Ш.А.: О, һеч гарышганын әзилмәсинә разы олмајыб.
Һаким Е.Исмајылов: Сәмәдову нијә ахтарырдын?
Ш.А.: Адымын Ислам Партијасынын үзвләри сијаһысында олуб-олмамасыны ајдынлашдырмаг истәјирдим.
Һаким Е.И.: Үмумијјәтлә белә бир шеј истәјирдиниз?
Ш.А.: Һәлә ки, ишләрим олдуғундан истәмирдим.
Һаким: Елә бир шеј мүмкүн идими ки, сизин хәбәриниз олмадан партијаја үзв еләсинләр?
Ш.А.: Инанмырам. Мән бир интернет
