Әһли Бејт -АБНА- хәбәр аҝентлијинин вердији хәбәрә әсасән: “WikiLeaks” сајтында АБШ-ын Азәрбајҹандакы сәфири олмуш Енн Дерсинин 2007-ҹи ил февралын 21-дә Вашингтона үнванладығы мәхфи телеграмы јајыб.
Сәнәддә ИлһамынҮмумдүнја Игтисади Форумунун кечирилдији Исвечрәдә Ишғалчы исраил режимин хариҹи ишләр назири Тсипи Ливни илә ҝөрүшүнүн пәрдәархасы мәгамлары өз әксини тапыб.
АБШ дипломаты јазыр ки, Илһам исраилин Азәрбајҹандакы сәфири Артур Ленклә ҝөрүшүндә Исвечрәдә Тсипи Ливни илә данышыглары заманы Иранла бағлы ифадә етдији мөвгени ачыглајыб. Әлијев билдириб ки, Ҹеневрәдә исраилли назирә Иранын реҝион, еләҹә дә бүтүн дүнја үчүн ҹидди тәһлүкә јаратдығыны дејиб. Азәрбајҹанын дөвләт башчысы Иранын нүвә фәалијјәтинә гаршы бејнәлхалг бирлијин атдығы аддымларын ҝүҹлү тәсир ҝөстәрмәјәҹәјини дә назирин диггәтинә чатдырыб.
“Әлијев Ливнинин нәзәринә чатдырыб ки, Иран чох ҹидди тәһлүкә мәнбәјидир. Һеч бир тәзјиг Ираны өз нијјәтиндән дашындырмаға кифајәт етмәјәҹәк. Чүнки Иран өзүнү ”күнҹә сыхылмыш вәһши һејван” кими апарыр. Илһам Әлијев әлавә едиб ки, АБШ-ын тәзјигләринин Ирана һеч бир тәсири олмајаҹаг”, - дејә Вашингтона ҝөндәрилән мәхфи телеграмда гејд олунуб.
Диггәт: Хәбәрдән истифадә етдикдә мәнбәјә истинад лазымдыр
