Әһли Бејт -АБНА- хәбәр аҝентлијинин вердији хәбәрә әсасән:
О сөзүнү давам етдирәрәк дејиб: “Фикримҹә, алимләрин террор әмәли илә иттиһам олунмасы вә тәсдигләынмәси дүшмәнимизин дәјирманына су төкмәк дејилми? Бу, Азәрбајҹан халгынын дүшмәнинә әсас вермәси кими олмазмы? Шүбһәсиз ки, ермәниләрин олмајан әсаслары ичиндә әлејһимизә бу әсас ән ҝүҹлү дәлил олаҹаг. Үммәтимизин әлејһинәдир она ҝөрә ки, мүсәлманларын дүшмәнләри дүнјада илләрдир чалышыр, онлары террорчу кими танытдырсын. Хүсусилә 11 сентјабрдан сонра буна ҝениш вүсат верилиб. Дүшмән дүнја халгларыны инандырмаг үчүн бәзи мүсәлманлардан истифадә едәрәк КИВ васитәси илә буну бүтүн дүнјаја јајыр. Мәһз бунун аҹы нәтиҹәсидир ки, бу ҝүн Ираг, Әфганыстан вә башга мүсәлман өлкәләри ишғал олунублар. Һесаб етмирсиз ки, бу иттиһам үммәтмизин дүшмәнләринә дә әсас ола биләр? Дүшүнүрүк ки, бу үммәтимизин әлејһинә бөјүк бир тәхрибат ола биләр. Һәмчинин Азәрбајҹан халгына гаршы да бу бир тәһгирдир. Она ҝөрә ки, Азәрбајҹан халгынын әксәријјәти шиә тәригәтинә инаныр. Бу һалда шиәләрин алимләринин террорла иттиһам олунмасы Азәрбајҹан халгынын әксәријјәтинә башы ашағылыг ҝәтирәр. Шүнки халгын алими террорла иттиһам олунурса, ади ҹамааты да там террорчу адландырмаг олар. Бу, һәмчинин Ислам дининин, хүсусилә шиә тәригәтинин тәһрифи дә һесаб едилә биләр. Она ҝөрә ки, Ислам дининдә вә шиәликдә террор мәһвуму чох пис гәбул олунур. Мүсәлманлары террорла иттиһам етмәк бүтөвлүкдә Ислам динини террорчу дин кими тәгдим етмәкдир. Гејри-Ислами тәригәтләрә ҝәлдикдә исә, Исламын мөвгеји чох шәффаф вә мынтиглидир. Гурани-Кәримдә китаб әһли илә мүбаһисәни белә ән ҝөзәл үслубда апарылмасы тәкид едилир (“Әнкәбут” сурәси, 46).
Данышыгда кобудлуға јол вермәјән бир дин террору неҹә мәгбул һесаб едә биләр? Гурани-Кәримдә бүтүн динләрин һүгуглары өз әксини тапмышдыр. Онун ән бөјүк иҹрачысы Әһли-бејтдир (ә). Әһли-бејт (ә) һакимијјәтдә олдуғу дөврдә бүтүн динләрин вә аз сајлы милләтләрин һүгугларыны мүдафиә вә тәмин едиб. Әли (ә.с) һакимијјәти дөврүндә христиан бир гадына һагсызлыг едилмишди. Имам буну ешитдикдә чох нараһат олур, бунун үчүн дә бир хүтбә охујур. О хүтбәдә бүтүн динләрин һүгугларыны мүдафиә олунмасыны тәләб едир, гадына гаршы һагсыз даврананларын ҹәзаланмасына ҝөстәриш верир. Белә бир дини террорда неҹә иттиһам етмәк олар? Һесаб едирәм ки, бүтүн бу просес бизим әлејһимизә нәтиҹәләнә биләр”.
Диггәт: Хәбәрдән истифадә етдикдә мәнбәјә истинад лазымдыр
