Әһли Бејт -АБНА- хәбәр аҝентлијинин вердији хәбәрә әсасән:
Сәрһәдсиз Репортијорлар Бирлијинин Авропа вә Мәркәзи Асија Бүросунун рәһбәри Јоһан Бир, бу ҝүн Рамин Бајрамовун вәкили Елчин Намазовла ҝөрүшүб. Бу барәдә Рамин Бајрамовун вәкили Елчин Намазов мәлумат вериб. Елчин Намазов һәбс ҝүнүдән бу ҝүнә гәдәр баш вермиш бүтүн һүгуг позунтулары барәдә нүмајәндә һејәтинин мәлуматландырылдығыны билдирди:
"Бу ҝүн Сәрһәдсиз Репортојорлар Бирлијинин Авропа вә Орта Асија өлкәләри үзрә рәһбәри Јоһан Бир ҝөрүшүм олду. Ҝөрүшдә мәгсәд Рамин Бајрамовун һәбси илә бағлы иди. Онлар Рамин Бајрамов барәсиндә мәлумат топламаг истәјирдиләр. Һәбсә гәдәр ки, просесләр, һәбс заманы баш верән ганунсузлуглар барәсиндә мәлумат ҝөтүрдүләр. Һәмчинин нүмајәндә һејәти илә бирҝә наркотик вә силаһа даир олан сүбутларымызы мүзакирә еләдик. Ејни һалда сонунҹу мәһкәмәнин Рамин Бајрамов барәсиндә ганунсуз олараг чыхартдығы һәбс гәтиимкан тәдбиринин ганунсуз олмасы барәсиндә дә мәлумат верилди. Демәк олар ки, Рамин Бајрамовун һәбс олунан ҝүнүндән бу ҝүнә гәдәр баш вермиш бүтүн ганун позунтулары вә мүдафиә тәрәфинин һәдәләнмәси барәсиндә нүмајәндә һејәти мәлуматландырылды. Гаршы тәрәф билдирди ки, мәсәләни даима диггәт дә сахлајараг Рамин Бајрамовун мүдафиәси илә бағлы лазым олан бүтүн тәдбирләри ҝөрәҹәјик. Һәмчинин нүмајәндә һејәти билдирди ки, баш вермиш ганун позунтулары илә бағлы Баш Прокурорлуға мүраҹиәт едәҹәкләр."
Диггәт: Хәбәрдән истифадә етдикдә мәнбәјә истинад лазымдыр
