Әһли Бејт -АБНА- хәбәр аҝентлијинин вердији хәбәрә әсасән:
Мүраҹиәтдә дејилир:
Азәрбајҹан Республикасынын Ҹәнуб бөлҝәсинин бир груп Руһани вә диндарларынын Бирләшмиш Милләтләр Тәшкилатынын(БМТ) баш катиби ҹәнаб Пан ҜИ Муна, БМТ вә она үзв олан дөвләт вә һөкумәт башчыларына, Ислам Әмәкдашлыг Тәшкилаты вә она үзв олан дөвләт башчыларына, Авропа Шурасы вә она үзв олан дөвләт башчыларына, һәмчинин дүнјада инсан һаггларыны мүдафиә едән бүтүн мүстәгил вә гејри һөкумәт тәшкилатларына
Азәрбајҹан Республикасы бу ҝүн һәм БМТ-нин, ејни һалда БМТ-нин Тәһсил, Елм вә Мәдәнијјәт мәсәләләри үзрә Тәшкилаты(ЈУНЕСКО)-нын, бундан әлавә Авропа Шурасынын, Ислам Конфрансы Тәшкилатынын вә саир әсас бејнәлхалг инсан һаглары тәшкилатыарынын үзвүдүр. Азәрбајҹан дөвләтинин имзаладығы хүсуси ганунлардан БМТ-нин “Динә вә әгидәјә ҝөрә дөзүмсүзлүк вә ајрысечкилијин бүтүн формаларынын ләғв едилмәси һаггында бәјаннамәсини”, БМТ-нин “Ишкәнҹәләрә вә диҝәр гәддар, инсанлыгдан кәнар, ләјагәти алчалдан давраныш вә ҹәза нөвләри әлејһинә конвенсија”-сыны, БМТ-нин мүлки вә сијаси һүгуглар һаггында пактыны вә бу пактын инсан һүгугларыны, демократија вә сәмәрәли идарә етмә маддәсини, БМТ-нин “Гадынлар барәсиндә ајры сечкилијин бүтүн формаларыны ләғв едилмәси һаггында конвенсијасы”-ны, Авропа шурасынын низамнамәсинә Азәрбајҹан Республикасынын гошулмасы һаггында, Азәрбајҹан Республикасынын ганунларыны нәзәрә алараг;
Азәрбајҹан Республикасынын бејнәлхалг ганунлара, конвенсијалара имза атдығы ганунларда, Азәрбајҹан конститусијасында инсан вә вәтәндаш һүгугларынын вә азадлыгларынын тәмин олунмасы, Азәрбајҹан Республикасы вәтәндашларына лајигли һәјат сәвијјәсинин тәмин едилмәси дөвләтин али мәгсәди һесаб олунур. Азәрбајҹан конститусијасында гејд олунмуш “Әсас инсан, вәтәндаш һүгуглары вә азадлыглары”, Маддә 16 - Сосиал инкишаф вә дөвләт , Маддә 42 - Тәһсил һүгугу, Маддә 46 – Шәрәф вә ләјагәтин мүдафиәси һүгугу, Маддә 47 – Фикир вә сөз азадлығы, Маддә 54 – Ҹәмијјәтин вә дөвләтин сијаси һәјатында иштирак һүгугу, Маддә 55 – Дөвләтин идарә олунмасында иштирак етмә һүгугу, Маддә 58 – Бирләшмәк һүгугу, Маддә 63 – Тәгсирсизлик презумсијасы, Маддә 24 – Инсан, вәтәндаш һүгугларынын вә азадлыгларынын әсас принсипи, инсан вә вәтәндаш һүгугларыны вә азадлыгларыны ирги, милли, дини, дил, ҹинси, мәншәји, әгидәси, сијаси вә сосиал мәнсубијјәтә ҝөрә мәһдудлашдырмаг гадаған олмасы принсипи, Маддә 60 – Һүгуг вә азадлыгларын мәһкәмә тәминаты вә саир конститусија һүгуг вә вәтәндаш һагларыны нәзәрә алараг, нәзәринизә чатдырырыг;Бир илә јахындыр ки, Азәрбајҹанда дөвләт сәвијјәсиндә, дөвләт мәмурлары тәрәфиндән, өлкә әһалисинин 98% ни мүсәлманлар тәшкил етдији һалда инанҹлы инсанлара гаршы зоракылыг, репресија, шәрләнәрәк һәбс олунма, дин хадимләринин вә инанҹлыларын инанҹына ҝөрә тәгиб вә мүхтәлиф бәһанәләрлә һәбс олунмасы, ибадәт јерләринин ганунсуз олараг дағыдылмасы, динҹ дини ајинләрә мане олмаг вә бу ајинләрдә иштирак едән инанҹлы инсанларын шәрләнәрәк һәбс олунмасы, инанҹлы гадын һүгугларынын кобуд шәкилдә позулмасы вә бу ҝүнә гәдәр инанҹлы гадын вә гыз ушагларынын али вә орта тәһсил оҹагларына бурахылмамасы вә ән башлыҹасы инанҹлы инсанларын азад фикир, дөвләтин вә ҹәмијјәтин иҹтимаи вә сијаси һәјатында иштиракынын дөвләт мәмурлары тәрәфиндән кобуд шәкилдә позулмасы вә саир инсан һагларынын боғулмасыны нәзәрә алараг там әсасла дејә биләрик ки, Азәрбајҹанда дөвләт сәвијјәсиндә инанҹлы инсанлара ҹинајәт баш верир.
Бүтүн бунлары нәзәрә алараг, Биз мүстәгил Дин Хадимләри вә инанҹлы инсанлар олараг БМТ вә адлары шәкилән бүтүн инсан һүгугларыны мүдафиәси иддиасында олан тәшкилатлардан, БМТ-а үзв олан бүтүн мүсәлман вә гејри мүсәлман өлкә башчыларындан, Ислам Конфрансы Тәшкилатына үзв олан мүсәлман дөвләт башчыларындан вә ән бачлыҹасы бүтүн бу олајлара бирбаша мәсулијјәт вә ҹавабдеһ олан Азәрбајҹан Республикасынын президентиндән, Азәрбајҹан Республикасы Али Мәһкәмәсиндән, Дөвләт конуститусија мәһкәмәсиндән вә Азәрбајҹанда фәалијјәт ҝөстәрән бүтүн инсан һаггларынын мүдафиәси тәшкилатларындан бүтүн бу өзбашыналыглара, репресијалара, ганунсуз тәгиб вә һәбсләрә, гадын вә гызларын тәһсил вә инанҹ һүгугларынын кобуд шәкилдә позулмаларына, дин хадимләринин вә инанҹлы инсанларын сијаси вә азад фикирләринә ҝөрә шәрләнәрәк һәбс олунмаларына дәрһал сон гојулмасы јолунда әлләриндән ҝәләни етсинләр вә Азәрбајҹан дөвләтинин бејнәлхалг вә дахили ганунлар әсасында инсан һаггларынын горунмасы јолунда ҝөтүрдүјү бүтүн өһдәликләрә әмәл етмәсини тәләб етсинләр.
Гејд етмәк истәрдик ки, инанҹлы инсанларын инанҹ вә етигадлары илә ојнамаг олмаз вә онлара гаршы ганунсузлуг вә өзбашыналыглар ҹәмијјәтдә чох аҹы нәтиҹәләрә ҝәтириб чыхарар. Ҝәлин имзаладығымыз ганунлара еһтирам гојаг, сабит, сүлһ вә әмнијјәтлә бүтүн ҹәмијјәтләрдә инсан јашајышыны, истәр инанҹлы истәрсәдә гејриләри үчүн тәмин едәк. Буну биздән Аллаһ-Тәала вә виҹданымыз тәләб едир.
Мүраҹиәт беш дилдә тәрҹүмә олунараг(әрәб, инҝилис, рус, франсыз вә чин дилләриндә )
БМТ вә она үзв олан дөвләт вә һөкумәт башчыларына, Ислам Әмәкдашлыг Тәшкилатына вә она үзв олан дөвләт башчыларына, Авропа Шурасына вә она үзв олан дөвләт башчыларына, һәмчинин дүнјада инсан һаггларыны мүдафиә едән бүтүн мүстәгил вә гејри һөкумәт тәшкилатларына јолланылсын.
Диггәт: Хәбәрдән истифадә етдикдә мәнбәјә истинад лазымдыр
