Әһли Бејт -АБНА- хәбәр аҝентлијинин вердији хәбәрә әсасән:
Һаккари вилајәтинин Чукурҹа гәсәбәсиндә һәрби машын карванынын минаја дүшәрәк партламасы, даһа сонра ПКК террорчуларынын атәшинә мәруз галмасы нәтиҹәсиндә 8 түрк әсҝәри шәһид олуб, 9 әсҝәр јараланыб.
Партлајыш заманы өләнләрдән бири јүксәк рүтбәли забитдир. Јаралылар вертолјотла Һаккари һәрби һоспиталына чатдырылыб, онлардан бәзиләринин вәзијјәтинин ағыр олдуғу билдирилир. Бакы вахты илә саат 11.00 радәләриндән баш верән партлајышдан сонра һәрбчиләрлә террорчулар арасында башлајан атышма давам едир. Бөлҝәдә ҹәмләшмиш террорчулары зәрәрсизләшдирмәк үчүн тәһлүкәсизлик гүввәләри тәрәфиндән хүсуси әмәлијјат кечирилир. Әмәлијјата дөјүш вертолјотлары да ҹәлб олунуб.
Диггәт: Хәбәрдән истифадә етдикдә мәнбәјә истинад лазымдыр
