Әһли Бејт -АБНА- хебер аҝентлијинин вердији хәбәрә әсасән: Јахын ҝүнләрдә режим башчысы Илһам Әлијев Хәзәр Дәниз Ҝәмичилијинә мәхсус ҝәминин ачылышында иштирак едәҹәк. Әлдә етдијимиз мәлумата ҝөрә, бу, 2006-ҹи илдә Русијадан алынмыш “Маһачгала” адлы ҝәмидир.
Һазырда идарәнин ишчиләринә көһнә ҝәминин адыны позараг ону јениләмәк тапшырылыб. Ҝәминин јени адынын нә олаҹағы һәлә ки бәлли дејил. Мараглысы одур ки, ҝәминин көһнә олмасындан өлкә башчысынын да хәбәри вар. Садәҹә олараг мәгсәд, халгдан зорла мәнимсәнмиш милјонлары силмәкдир.
Мәлуматда о да билдирилир ки, Хәзәр Дәниз Ҝәмичилијинин көһнә ҝәмини јени адыјла тәгдим етмәси илк белә һал дејил. Дөрд ил бундан әввәл ејни һал Зәрифә Әлијева ҝәмиси илә дә бағыл јашаныб. Ҝәми З.Әлијеванын адыны дашыјана гәдәр онун нә аз, нә чох ики ады олуб. Сонрадан көһнә адлар позулуб вә нәһајәт үчүнҹү ад кими Зәрифә Әлијева сечилиб. Һәмин ҝәминин ачылышында И.Әлијев дә иштирак едиб. Ҝөрүндүјү кими, режимин коррупсија әмәлијјатлары һеч бир сәрһәд танымыр. Һөкумәт әлавә милјонлар мәнимсәмәк үчүн һеч бир тәрәддүд етмәдән һәр үсула әл атыр.
Диггәт: Хәбәрдән истифадә етдикдә мәнбәјә истинад лазымдыр
