Әһли Бејт -АБНА- хәбәр аҝентлијинин вердији хәбәрә әсасән: Ијулун 27-дә бир груп ҝәнҹ Чин Халг Республикасынын Азәрбајҹандакы сәфирлијинин гаршысында аксија кечириб. “Медиа форум” сајтынын мәлуматына ҝөрә, АХҸП, КХҸП, АДП, Мүсават вә башга партијаларын үзвләринин иштиракы илә кечирилән аксијада Чиндә ујғур түркләринә гаршы апарылан репрессијалара етираз билдирилиб.
Сәфирлијин гаршысында топлашан ҝәнҹләр етираз шүарларыны јениҹә сәсләндирән кими әразијә ҹәлб едилмиш Бакы Шәһәр Полис Идарәсинин әмәкдашлары аксијаны дајандырыб, Ҹәмил Гулијев, Ајхан Һаҹыбәјли, Емин Нәсибов, Осман Әһмәдов да дахил олмагла 10-а јахын ҝәнҹи һәбс едиб.
Азәрбајҹан Демократ Партијасынын үзвү Емин Фәрһади аксијанын бәјанатыны охујаркән сахланылыб. Ҝәнҹләр Нәсими Рајон Полис Идарәсинә апарылыблар.
Диггәт: Хәбәрдән истифадә етдикдә мәнбәјә истинад лазымдыр
