Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасы кечирмәк истәдији күтләви аксијаја Бакы Шәһәр Иҹра Һакимијјәтинин “јох” ҹавабына бәјанатла мүнасибәт билдириб. Мәлуматы партијанын мәтбуат хидмәт јајыб.
Ијунун 28-дә партијанын сәдри Елчин Манафов пајтахт меријасына мүраҹиәт едиб ијулун 5-нә нәзәрдә тутулан аксијанын санксијалашдырылмасыны истәмишди. Ијулун 4-дә Елчин Манафова верилән рәсми ҹавабда гејд олунуб ки, бундан әввәл Азәрбајҹан Ислам Партијасы адындан, даһа сонра исә фәрди шәкилдә Елчин Манафов адындан митинг кечирмәк үчүн меријаја мүраҹиәт олунуб вә мүраҹиәтләрин бу формада рәдд едилмәси гејри-ҹиддиликдән хәбәр верир.
Азәрбајҹан Ислам Партијасынын 5 ијул бәјанатда дејилир ки, гурумун һәр ҹүр конјунктур мараглары вә гејри-шәффаф сијаси мәгсәдләри рәдд едәрәк һәгиги инсан азадлығынын мүдафиәсинә чалышмасы, онун реал тәминаты уғрунда стабил мүбаризә апармасы бәллидир: “Ҹәмијјәтдә барыш, гардашлыг, иззәт, инсан ләјагәтинә, әбәди-бәшәри дәјәрләрә малик ислам мәнәвијјатына һөрмәт вә онун горунмасы партијанын әсас принсипиал мәрамларындандыр. Өлкә дахилндә апардығымыз сијаси мүбаризә дә мәһз бу истигамәтә - дөвләтимизин һәгиги мүстәгиллији вә әрази бүтөвлүјүнә һәср олунур. Тәәссуфләр олсун ки, фәалијјәтимизин сивил шәраитдә давам етмәсинә мүхтәлиф манеәләр, сүни әнҝәлләр јарадылыр”.
Бәјанатда вурғуланыр ки, Бакы Шәһәр Иҹра Һакимијјәтинин “Сәрбәст топлашмаг азадлығы һаггында” гануну кобудҹасына позмасы, инсанларын конуститусион һүгугларынын танымамасы белә бир дөвләт рәсми органынын ҹәмијјәтдә тәхрибатлар јаратмаг кими дөвләти ҹинајәтләр төрәтмәк ҹәһдиндән хәбәр верир: “Биз ҹәмијјәтин өлкәдә баш верән һагсызлыгларла, вәтәнимизә гаршы хариҹи тәҹавүзчүләрә гаршы мүбаризәсинә һәр һансы бир бәһанә илә манечилик төрәдилмәсини һакимијјәтин әввәлҹә гәбул етдији демократија инкишаф хәттиндән јајынмасы, өлкәни сивил јолла дејил, дәјәнәк ҝүҹүнә идарә етмәси, гејри-вәтәнпәрвәрлик руһуна малик олмасы кими гијмәтләндиририк вә тәләб едирик ки, инсанларын позулмуш конститусион һүгуглары бәрпа олунсун. Өлкәдә һөкм сүрән негатив һаллара гаршы сивил мүбаризәјә шәраит јарадылсын”.
Диггәт: Хәбәрдән истифадә етдикдә мәнбәјә истинад лазымдыр
