Әһли Бејт -АБНА- хәбәр аҝентлијинин вердији хәбәрә әсасән: Сон ҝүнләр Иорданијада халг күтләсинин мөвҹуд сионист тәфәккүрлү II Абдуллаһын диктатор режиминә гаршы етираз далғалары ҝүҹләнмәкдәдир. Бу сәбәбдән дә јахын шәрг өлкәләриндәки, диҝәр диктатор режимли дөвләтләр бу туфанын гаршысыны алмагдан өтрү дәридән-габығдан чыхырлар. Белә ки, Иорданија парламенти нөвбәти аддымыны атараг парламентндә “Иорданија-Азәрбајҹан парламентләрарасы достлуг групу” јарадыб. Әлијевләрин Әммандакы сәфирлијин биринҹи катиби Кәнан Муртузов достлуг групунун сәдри С.Һадбан вә групун үзвләри илә Иорданија парламентиндә ҝөрүш кечириб.
Ҝөрүш заманы Азәрбајҹанла Иорданија арасындакы әмәкдашлығын мөвҹуд вәзијјәти барәдә фикир мүбадиәси апарылыб. Парламентләрарасы әлагәләрин инкишаф етдирилмәсинин ваҹиблијини гејд едән дипломат бир мүддәт өнҹә Азәрбајҹан Милли Мәҹлисиндә дә Азәрбајҹан-Иорданија достлуг групунун јарадылдығыны диггәтә чатдырыб.
Ҝөрүшдә, һәмчинин Ҹәнуби Гафгаз реҝионундакы вәзијјәт, Азәрбајҹанла Ермәнистан арасында апарылан сүлһ данышыглары, Јахын Шәрг вә Шимали Африка реҝионунда ҹәрәјан едән сон һадисәләр, Иорданијанын дахили вәзијјәти вә с. әтрафында сөһбәт апарылыб.
Диггәт: Хәбәрдән истифадә етдикдә мәнбәјә истинад лазымдыр
